Popular Bible Verses from LAKSASIKE 5

Share

Atì'nogo yogoisìkì lagaukwama, it Peterùt lak, Yesùt en inayoko hìlìk laksasike mene amanogo nen he, “Nit he, apùnì mene inane hologo hagatì'lek, Ala ane atìat hologo hagasusak o.

Wùlùpukwasik, it a'nogo nen Ala awìi wùrì'mo kìgìk, apùnì inauakwe kìgìk, ìkì logolìk, “Ala nen he, Ap aike nen apùnì telhinabuagalùk ayoko hìlìk lakhei wesigin, isike a'nogo, ebe Yesùt atìat o,” ìlùk Yesùt en hagasike wene, hano wene a'nogo kamo ìgì'lek hutik-hutigat yakùlisìlìk nìkì lagaukwa.

Hei wagaikomo, at Peterùt en he, “Ananiat. Ibilit en ha'la kagalhomo Ala Areagùn lalogo kweang oko o'moko mìkìlogo hokawerek hesik hakalùk wagen atì nahalok. Kweang atì hat en it aike inoba oko wanhì'lek werek kolek, hat hakweang meneat. Ma re, it aike wogisegenma oko haga mene atì hat meneat o. Meneat he, ha'la nen atì'nogo kagalogo hagaten atì nahalok. Hane hapeliagat lìbìlogo egen atì, nit apùnì yogonisegen hùk. At Ala at yogoten o,” ìlùk yogosike. Ati'nogo yogotenem, wene atì, at Ananiat asuk holhikesik he, abusak tukwak hogo lagaikesik ebe wa'lagaike. Wa'lagaikomo re, it apùnì inebe logolegat wene haga'lagaike mene atì, inasuk holhukwasik inayùk apik agaike.

Ma re, wene yogotak yì hesik he, an nen wene aike hinasuk wasik. Hit en ap atì yì'nogo tì'nogo aike hagarinapup. Wene it en yakùlisìkì logolìk hagarinabì'lùgì atì, ero apùnì nen halok he, wene atì lek asigin o. Meneat he, wene atì ero Ala at halok he, hit en it mabenerisasak mea asigin o. Atì'nogo mea aganem he, hit en Ala hinom yabusak hake haga'lasinogo nen, hebisani o,” ìlùk inetaùken sebelhike.