Popular Bible Verses from Markus 5

Share

Yogokikemo, at Yesus nen men yogokike, “Niru. Kendainggen noba panggot degen eti paga pano agan o. Eti paga, kakla panorogo, kendainggen dirlukogo lan o,” yiluk laʼbisike.

Laguka etoma mende, kwe omanggi amep wago mondok werek nggorlek 12 tahun kagat lagike. Amep wago mondok dogolik, dokter lak nen pano kagasuwagaluk yi dokter ndi dokter inayonggo ʼbiluk, u onggo wogisasi dogolik, amende mondok deget disike mende, at amep etnogo dek agidek yabunggane wago mondok welagike.

Inggi pakasi nggorlek eranogoat, amep etnogo ʼbogokogo dek agikemo, akla nen, “I. An u weyagat welagi etnogo, pano kagat nake kigi,” yiluk akla didisike.

Unggisukasik, inggi paʼbiluk, nit ninane paga, “Korlak yi, naʼbut. Melasin, yiluk yokirigogo o,” yiluk yu kak, it inane paga, “Talita kum,” yiluk yogokike.

Esigit diluk yogoko nggorlek eranogoat, o akoni Yahudi mende sembayan yiligogoma inewe nggok etnogo aguma nen agoromi yonggo wagukasik men yogokuka, “Newe. Kaʼbut korlak etnogo arat watlagama nen wago. Kalok, ninewe nggok wene yanggul nisiligogo mende eti, iyok wirlikogo kimbisak luwogoluk ayonggo ʼbusak nogo? Dek o,” yiluk yogokuka. Yogokukama at Yesus nen, it inane asuk kolkikesik, inane togot diyalok ap nggok etnogo men yogokike, “Kakla wene munini ebekup o. Kendainggen an noba panggot diluk nimbisak luwok o,” yiluk yogokikesik laguka.

“Yesus Allah Endaganggok aʼbut yi, ninggit diluk kagat nabigiluk wagan,” yiluk yogokikemo, at Yesus nen, “Kugi kobabut weyak mende yi, ap yi akla nen duki lan o,” yiluk yogokonem, at etnogo ane nggokogo yisi dogolik, “Iya. Naʼit o. Nombae Allah owak. Weyagat nakup,” yiluk ane nggokogo yisike. Ane nggokogo yisikemo, at Yesus nen, “Kat kendaga ta,” yiluk kinok oba waganggikemo, at nen men yogokike, “Ninebe dogalegat werek eti paga, nendaga omanggi dogalek yu kak, nendaga Legiun,” yogokike.