Popular Bible Verses from MARKUS 6

Share

Erasanam ow arkenakut juw aucicirifesen. Inimas e Yesus mamkawi owam amos bwememen asan opoken. Aramat ipican inimas aporef, wunam atakam e amamkawi ow aotawefen. “Dey. Cem opok asan darop jisosmoc. Caram erasan ses aaney.” Inim aeefen.

Yesusam atakam e ow aotawefen. “Kawey ow, Allah atakam botaw ipic asicimcemes. E nat, asamat owam, ajowowam, acem owam, Allah atakam botaw ipic basicim opok aemcemes.” Inim aeefen.

Bare, Yesus asetayef ara, ar e ow arke aporefen. Ar e ow desen domba inim cimin aememfes aporefen. E ow, manmok batiwtam ow opok domba, inim cimin aememfesen. Inimas Yesus e ow sawes akat aoworporefen. Ar masirin, atakam arke e ow amememtamefen.

Bare, aramat ipicam, erasan, junum bweas bwemem asan opoken. E nat, ar e aban, dam ow mamincop e dam ton atatiwef, wunam e ow dam ajaworomtawefen. E erasan ow Yesus basicim opok aemfesen. Aramat ipicam inimas aporefen. Ar masirin, junum awut aeefen. Bare, Yesus e jamam samatin samatin aamwicirijaref, wunam atakam e ow amememtamefen.

Yesus e amos bokor lima ajiwaram, e enam jamnukam, atewefen. Aram manmok op atiwtometemefen. “Diwi. Or a amos pok atetamamarowem. Terima Kasih.” Inim aeefen. Ar masirin, e amos bokor akokomef, wunam e amamkawi ow atetamefen. Er e ow takas sey baseyamtamas ara. Aramat ipicam e enam jamnuk e ow takas sey aseyamtamefen. Bare, e ow takas e pok aanfesen. Aram jak anapitaptotorfesen. E Yesus mamkawi ow e ow arke anaeremtiwfes amosam, enamam, ese dua belas ajiwar aowapomfesen.