Popular Bible Verses from MATIUS 27

Share

Jam tiga aranew, Yesus atakam afakaytawefen. “Eli, Eli lama sabaktani?” Inim aeefen. E atakam daratakam juw buwumtew, “DorAllah. DorAllah. Or bakan ucimas ajiosmenem?” Inim aeefen.

Bare, e Allah cem jimasap kain op ewkayneyef, wunam e cenes ajiwar akayfisef. Ajowam asimef. Ek awut arkeam atetereyfes. Aweremam amumufes. Damir aaffes ow tarowat arke masirin, aojaworsitfes.

Bare, Yesus atakam awut aofakaytawef, wunam damir aafefen.

Barewen. E tentara komandan ipicam, e ar akac aememfes owam, Yesus manmok atiwemfesen. Ar e ajow asimef aporfesen. Aram e wunam aporfesen. Inimas omar awutut aefesen. “Awamec ipic Allah atiwnak ara.” Inim aefesen.

Bare. Jok jam dua belas aememfes ara, e capinmi takas jiwic acamtiwefen. Jam tiga masirin, sere aoseremefen.

E Pilatus nat, “Wun ow, ‘E Yesus, e Allah Aeremtewef Ipic ara,’ inim aemes. Dor e ipic ucimas emcey?” Inim aeefen. E ow masirin, “E ipic salib os op bacatopomey!” Inim aefesen. Pilatus masirin, “Aramat ipic nat, ucim pwicakas aemef?” Inim aeefen. E ow nat, atakam awutut afafakaytawfesen. “E ipic salib os op bacatopomey!” Inim ajisawua aefesen.