Popular Bible Verses from LUKAS 7

Share

Inimas ara, oram jakaperey. E cowoc adosa awut akokorosma. Inimas ar damos awut dor ajimaman. E dosa kanim bakokoros ow nat, damos kanim ajiomcemes. Yesus inim aeefen. Aramat ipic masirin, atakam e cowoc aotawef. Dor e odosa akokoromosomtamamin.” Inim aeefen.

Aramat ipic masirin, atakam, e cowoc aotawefen. “Or asicimamenem. Inimas or ajoremamem. Bare, oram asan akat baysosey.” Inim aeefen.

E cowoc masirin, aramat ipic bweypu jine onok aneyotapefen. Aram bwec abwecefen. E abwec manem, Yesus e bwey aneypwipwitimtiwefen. Inimas e bwey boco arawen. Aram e bwey boco, e akus fin aerewefen. Aram e bwey ak aafopefen. E minyak wangiam, e bwey bak ton aokomnemefen.

Inimasam ara, dor e obipu bwemenaw asan opok. O nat, atakamin atawey. E dokerja bwemtam ipic masirin, ajaworsitcema. Doram ow jirmec ji aemin, wunam dor e dotentara ow jirmec ajirimamin. Dor wun tentara ipic, ‘Baysosey,’ inim aecey, aramat ipic ajisoscema. Doram wun ipic, ‘Bwenawey,’ inim aecey, aramat ipicam aenawcema. Doram e dokerja bwemtam ipic, ‘Inim pok pwemey,’ inim aecey, bare aramat ipic inim pok aemcema.” Inim aeefen. Yesus inim atakam jen ajief masirin, ar e ipic junum aeefen. Ar e fa asep asoromfes ow arke, bin afiromefen. Aram atakam e ow aotawefen. “Jakaperey. Awamec ipic Allah basicim fak ipic ara. Dor e Israel ow aman, awamec ipic awcawor ow, bi bapor opokut.” Inim aeefen.

E jofayam ara, Yesus dam ow arkeam, ajurusemfes ow arkeam, dat jak aman aemapa aefes ow arkeam, ajaworomtawa aeefen. Aram manmok kapi ow arkeam, e manmok aterema aeefen. Aramat ipic masirin, atakam e Yohanes atewenamef ipic jamnuk aotawefen. “Car baysosey, wunam e apormokomasam, e jen ajimokomasam, atakam Yohanes mamotawey.” “Manmok kapi ow, manmok atereymes. Bwey jini ow ajarmes. Penyakit kusta owam dam orom aememames. Jen biri ow jen ajimes. Damir ow ajaworsitmes. Ow e Atakam Akat e pok opok ow acacapiomames.” Inim mameey.