Popular Bible Verses from YOHANES 17

Share

E ow oratakam jen bajices. Or masirin, e ow oratakam ji bwekurum, jak akat mamseremtamey. Oratakam, bare atakamnak ara.

E Allah anakat, bare or cowok ara. Dor masirin, e atewnemfenem ipic juwas Yesus Kristus ara. Wun ow, oram, doram, amsom ara. Bare, e ow jiwnenak aatamemawarcemes.

“Dor a ow cowok janim or manim opok. Wun owam a ow aratakam jen ajimes, wunam dor asicimamenes. Dor masirin, e owam janim or aanimtamamin. Diwi. E ow takas bi binip cowkon baceceremces. Oram, doram, ow cowok inim awcawor ara. Aram, dar ow cowok inim awcawor baememcarowos. Inimas aemcarowos, e or amsom opok ow, or dor atewnemfenem, inim atakam asicimcemes.

Dor or e ow, e onam op capinmi aynam batowotomet, inim janim or manim opok aemin. Do nat, or e Jursumec Ipic bakikim janim or aanimamin. Ar e ow bajurusumasin.

Bare, oram, doram, bi binip cowkon aceceremamom. Doram e ow inim bi binip cowkon bacecerem, akat aemin. Inimas ara, dor e atetamfenem asan akatnakutas, e owam atetamof. Doram, e owam, ow cowok inim awcawor aememamom. Oram, doram, ow cowok inim awcawor aememamom. Bare, e owam bi binip cowoknak baceceremces. Inimas aemces, e or amsom opok ow, or atewnemfenem, inim atakam atakamnak aporcemes. Aram or damos e dor ajamkawimenes ow ajiomamem, aporcemes— or damos dor ajiomamenem inim cimin ara.”