Popular Bible Verses from Luka 7

Share

Ngu mhaka ya toneto, na kugela ku khani: A divaletwe sionho sakwe sasingi, nguko a kombile lirando la hombe ngutu. Aniko awule a nga divalelwa sa sidotho, wo va ni lirando la lidotho.” Msana keto, a to gela wule wamsikati a txi khene: “U divaletwe sionho sako.”

Aniko ene a to gela wu wamsikati, a txi khene: “Likholo lako li ku hanyisile; tsula ngu kudikha.”

Se a di zumbile ngu msana kwakwe, a txi dila, a to khata ku nakanisa mikondo ya Jesu ngu mirongo, a txi yi bahulela ngu misisi, a txi yi pswopswa, ngu msana a txi yi totela mafura ale o bhumula.

se kha na tipfa ni di ni fanelo ya ku ku tela, aniko womba dipswi dimwedo dwe, kasiku txithumi txangu txi na hanya. Nguko ani ni ku m'thu wo fumwa ngu vamwani, nina ni masotxhwa, aawa nani ni ma fumako. Ngako ni txi gela dimwedo ka ona, ni txi khani: ‘Tsula’, dona da tsula; ka dimwani, ni txi khani: ‘Ngono kheno’, da ta, ka txithumi txangu, ni txi khani: ‘Thuma tiya’ txa ti maha.” Ngako Jesu a txi pfa mapswi awa, a to xamala, a txi tshembereka a txi wonetela vathu vale va nga txi mu londetela, a txi khene kwawe: “Na mi gela ni khani: Kha ni nzi kumana likholo la hombe lo nga liya, hambi ka vathu va Israyeli.”

Ka txonetxo txikhati, Jesu a txi hanyisa votala ka malwati ni ka mipando ni ka mimoya yo biha, e ninga kuwona ka mabhofu. Se Jesu a to va xamula a txi khene: “Tsulani mi ya gela Johani ati mi nga ti wona ni ti mi nga tipfa; mabhofu ma wona, silima sa tsimbila, va tshekela va basiswa, maphanzeve ma engisa, vafi va wuswa, sisiwana sa txhumayelwa Evhangeli.