Popular Bible Verses from MATIUS 28

Share

Rimakkuwannanaro laono ri sininna bangsaé ri sininna linoé, pancajiwi mennang ana'-ana' guruk-Ku. Cemméi mennang sibawa teppui asenna Ambo'é, sibawa Ana'é, enrengngé Rohna Allataala. Paggurui mennang turusiwi sininna iya puraé Uparéntakko. Na éngngerangngi tuli Usibawakko matu lettu paccappurenna linoé.”

Maddeppéni Yésus ri mennang, nakkeda, “Sininna akuwasangngé ri surugaé sibawa ri linoé purani riyabbéréyang ri Iyya.

Nakkeda iyaro malaéka'é lao risining makkunraiéro, “Aja' mumétau! Uwisseng musappai Yésus iya puraé risalliro. Dé'ni kuwaé. Moto'ni pada-pada Napowadaé riyolo. Laono mai muwitai onronna ripaléwu.

Nakkeda Yésus lao ri mennang, “Aja' mumétau, lao mupowadangngi saudara-saudara-Ku kuwammengngi nalao ri Galiléa; kuwaro naita-Ka matu mennang.”

Iyaro kapala-kapala imangngé barundinni sibawa sining pamimpinna Yahudié, nainappa nawéréng maéga dowi iyaro tentara pengawal-é, nakkeda, “Harusu'ko powadai makkedaé, poléi ana'-ana' gurunna Yésus ri wennié, nanaénnauwi ujuna ri wettu matinromu. Rékko naéngkalingai gubernur-é, ripalécépi kuwammengngi dé' mulolongeng asukkarakeng.” Nalani tentara pengawal-é iyaro dowié, nanapogau'i pada-pada iya ripasengengngéngngi lao ri mennang. Rimakkuwannanaro iyaro curitaé tassiya mupi ri yelle'na tau Yahudié lettu essoéwé.