Popular Bible Verses from MATIUS 27

Share

Tetté tellu arawéngngé, gorani Yésus sibawa sadda maloppo, “Eli, Eli lama sabakhtani?” bettuwanna, “Oh Allataala-Ku, oh Allataala-Ku magi Musalai-Ka?”

Kaing paddenring iya taggattungngé ri Bolana Puwangngé makenné'ni mancaji duwa polé ri yasé' lettu ri yawa. Mpéwang tanaé sibawa mapuwé' sining bulu batué. Tattimpa' sining tampungngé, sibawa maéga umma'na Allataala iya matéénna tuwo paimeng.

Nainappa gorasi Yésus sibawa sadda maloppo, nanasseppungenni nappase'-Na paccappurengngé.

Kapalana tentaraé sibawa prajuri'-prajuri'na iya jagaiyéngngi Yésus métau senna'ni wettunna naita mpéwang tanaé sibawa sininna iya kajajiyangngéro. Makkedani mennang, “Tongeng, iyanaé Ana'na Allataala!”

Ri tangassonana, tellujjang ittana, sininna iyaro wanuwaé mapettang.

Nakkutana Pilatus lao ri mennang, “Rékko makkuwaitu, aga ugaukengngi Yésus iya riyasengngé Kristus?” Nappébali maneng mennang, “Sallii!” Nakkutana Pilatus, “Iyakiya aga asalan-Na?” Napédé' maladde'na mennang gora, “Sallii!”