Popular Bible Verses from MATIUS 19

Share

Naitani Yésus mennang nainappa makkeda, “Untu' tolinoé, mustahélé' iyaro! Iyakiya untu' Allataala, wedding maneng.”

Jaji tenniyana mennang duwa tau, iyakiya séddi. Iyanaro saba'na aga pura napasséddi Allataala dé' nawedding napassarang tolinoé.”

Nappébali Yésus, “Dé'paga mubacai ri laleng Kitta'é makkedaé Pappancajié iya mébbuéngngi rupa tauwé, ri mulanna naébbui mennang worowané sibawa makkunraié? Napurairo makkedani, ‘Iyanaro saba'na worowané nasalaiwi indo' ambo'na namasséddi sibawa bainéna, namancaji séddi iya duwa.’

Nakkeda Yésus lao ri ana'-ana' gurun-Na, “Leppessangngi iyaro ana'-ana'é lao ri Iyya! Aja' muwattéyangngi mennang, saba' sining tau makkuwaéwé mancaji anggotana umma'na Allataala.”

Iyakiya maéga tau makkekkuwangngéwé poddiyolo namancaji matu poddimonri na makkekkuwangngéwé iya poddimonrié mancajiwi matu poddiyolo.”

Na tungke' tau iya salaiyéngngi bolana, iyaré'ga padaorowanéna, iyaré'ga ana'daranna, iyaré'ga ambo' indo'na, iyaré'ga ana'-ana'na, iyaré'ga dare'na nasaba Iyya, iyaro tauwé natarimai matu lisu leppe' ikkasiratu. Nanatarima towi atuwong mannennungengngé.

Nakkeda Yésus lao ri kalloloéro, “Rékko maéloko mancaji sukku, laono mubalu'i sininna appunnangemmu. Wéréngngi ellinna tau kasiyasié, namulolongengngi matu waramparang ri surugaé. Purairo, laono muwaccowéri-Ka!”

Nappébali Yésus, “Magi muwakkutana ri Iyya passalenna aga iya makessingngé? Banna Séddi bawang makessing. Rékko maéloko tuwo, harusu'ko turusiwi parénta-paréntana Allataala.”

Na iyapaé maéloto Upowadakko; lebbi gampang muwi séddié unta muttama' ri sebbo'na jarungngé, naiya séddié tau sugi muttama' ri Lino Barunna Allataala.”

Jaji, éngkalingai iyaé: Nigi-nigi massarang bainéna – padahal iyaro makkunraié dé' nakédo sala – nainappa kawissi sibawa makkunrai laingngé, iyaro tauwé malawengngi.”

Nainappa makkedani Yésus lao ri ana'-ana' gurun-Na, “Makkeda-Ka lao ri iko, mawatang senna' tau sugié mancaji anggota-Na umma'na Allataala.