Popular Bible Verses from MATIUS 18

Share

Saba' kégi duwa iyaré'ga tellu tau maddeppungeng nasaba Iyya, engka-Ka ri tengnga-tengngana mennang.”

Naisseng towi: Rékko ri yelle'mu ri linoéwé duwa tau siyempe' passalenna agi-agi sibawa nassempajangenna, iyaro sempajanna natarimai matu Ambo'-Ku ri surugaé.

Naobbini Yésus séddi ana' baiccu, nanasuroi tettong ri yolona mennang. Nainappa makkeda Yésus, “Ateppe'no! Banna rékko tappinrako mancaji pada-pada ana'-ana'éwé, mumancaji matu anggota-Na umma'na Allataala.

Tau iya pakariyawaéngngi aléna mancajiwi pada-pada iyaé anana'é, iyanaritu kaminang battowa ri yelle'na umma'na Allataala.

Na tau iya tarimaéngngi anana' iya pada-padaéwé nasaba Iyya, bettuwanna natarima-Ka.”

“Issenni: Aga riyattéyang ri linoé, riyattéyang towi ri surugaé. Na aga mupattongeng ri linoé, ripattongeng towi ri surugaé.

Natutu'ni curitana Yésus sibawa ada-adaéwé, “Makkuwatoniro Ambo'-Ku ri surugaé nagaukekko matu tungke'-tungke', rékko dé' muwaddampengengngi silessuremmu sibawa masagagéna.”

“Niga nassabariwi sala séddinna polé risining tau iya marenni'éwé dé' namateppe' ri Iyya, lebbi kessing muwi rékko batu pallélué riyassiyorengngi ri ellonna naripatallemme ri tasi' malamungngé.

Pékkugi pallolongemmu? Akkalarapanna engka séddi tau iya mappunnaiyé sératu kajunna bimbala', na sikaju polé risining bimbala'éro teddéng, aga napogau' matu iyaro tauwé? Pasti nasalaiwi matu bimbala' iya aséraé pulona aséra kajunnaro ri bulu-bulué nalao sappai iya teddéngngéro.