Popular Bible Verses from PAKKATOBBA 8

Share

Kesimpulakku iyanaritu makkedaé harusu'i tauwé marennu. Nasaba ri laleng atuwonna ri linoé dé'gaga asennangeng laing ri aléna sangadinna manré, ménung sibawa mariyo-riyo. Iyaro bawang wedding napéneddingi ri tengngana turuppuse'na, sipongeng riwérénna atuwong ri Allataala.

Namuni sératu ja napogau' séddié tau madosa, tette'i tuwo mala malampé sunge'i. Karébanna, niga mapato ri Allataala, pasti pada magampangngi atuwonna.

Untu' sininna séuwa-séuwaé engka wettunna sibawa carana muto, iyakiya céddé senna iya ripahangngé!

Dé' muwi séddi tau mulléi tahangngi iyaré'ga pasoroi amaténna. Iyaro angéwangeng iya dé'é naulléi léssériwi, dé' naulléi leppe polé ri aléna, namuni nasibawang bellé sibawa pabengnguwang.

Magi namagampang makkuwaro tauwé pogau' ja? Nasaba dé' namasitta riwéréng pahukkungeng.

Iyakiya iya manennaro bellé simata. Ita bawanni aga kajajiyang ri linoé: Engka tau malempu rihukkung samanna tomadoraka, engka tomaja rihukkung samanna tau malempu. Jaji, iyaro siya-siyato.

Dé' muwi séddi tau missengngi toto aga mattajengngé, sibawa dé'to gaga mulléi makkeda aga matu kajajiyang.