Popular Bible Verses from PAKKATOBBA 7

Share

Aja' mumasitta ménré pellamu; banna tau madonggoé taroi pakkabale'na.

Jaji, akkérennuno rékko mattengngakko maupe. Iyakiya rékko nakennako abala, aja' muwallupaiwi makkedaé Allataala mabbéréyang duwai. Dé' taissengngi aga kajajiyang puranaro.

Lebbi makessing muwi paccappurenna séddié parakara naiya pammulanna; lebbi kessing muwi sabbara'é naiya mabangka senna'é.

Ri linoéwé dé'gaga tau sukku; dé'gaga iya tuli pogau'éngngi makessingngé sibawa dé' naengka namadosa.

pada towi sibawa dowi pabbéré rasa amangngé. Apalagi pangissengengngé passalenna amaccangngé! Niga mappunnaiwi salama'i matu.

Aseng mabaué lebbi kessingngi naiya minnya wangi matanré angke'na; sibawa esso amaténgngé lebbi kessingngi naiya esso ajajiyangngé.

Lebbi kessing muwi riyampareng ri tau iya engkaé akkalenna, naiya ripojiyé ri tau iya mawatangngé makkéjeppu.

Lebbi kessing muwi lao ri bola amaténgngé naiya ri onrong péstaé. Saba' tuli harusu'ki sénge'i makkedaé amaténgngé tajengngi tungke' tau.

Tau madonggoé matterui lellung asennangeng; tau mapanré tuli napikkiri'i amaténgngé.