Popular Bible Verses from 1 Musa 32

Share

Nai idokken nola mo, “Oda nè si Jakob gerarmu. Enggo mergumpil ko dekket Dèbata bang dekket jelma, janah mennang ngo ko; kerna nai gabè si Israel mo gerarmu.”

Nai idokken mo taba si Jakob, “Paluah mo aku; ai sigejap nai mbincar mo mataniari.” Ialoi si Jakob mo, “Oda kupaluah kono, mula oda ipasu-pasu kono aku.”

Tapi tading ngo i kèpar sadasa. Nai roh mo sada kalak anak laki, mergumpil dekket si Jakob soh mi mayak nterrang ari.

Nai idokken si Jakob mo, “Enggo hadep abè aku dekket Dèbata, janah nggelluh dèng ngo aku.” Kumernaken i ibaing mo gerar bekkas i Pniel.

Iakap alona i kessa mo oda ndorok mennang ia i pergumpilen i, mèter itempuk mo tulan tembuk si Jakob, gabè sihit mo tulan tembukna i.

“Isè ngo gerarmu?” nina mengkusoi. “Si Jakob ngo” nina mengaloi.

Nai idokken si Jakob mo, “Bagahken mo gerarmu.” Tapi ialoi kalak i mo, “Oda perlu kusoenmu isè gerarku.” Nai ipasu-pasu mo si Jakob.

Situhunna oda patut aku menjalo kelleng atèmu dekket kinituhu sienggo niberèkenmu bangku. Tikan berkat aku meneberangi Laè Jordan, pellin tongket ngo kessa kuembah. Bagendari balik dekket sidua nuhnuhen èn.

Soh bagèndari pè oda ngo ipangan kalak Israel jukut tulan tembuk, kumernaken itempuk tulan tembuk si Jakob.

Kessa i mersodip mo si Jakob, “Ialè Dèbata siniuèen empungku si Abraham dekket bapangku si Isak, dengkohken mo aku. Kono ngo alè JAHOWA mendokken aku balik mi nagerringku. Ipadanken kono ma ngo alè JAHOWA mengatur karina selloh bangku.

Memmes kupido bamu, paluah mo aku bai kakangku si Esau nai. Mbiar aku, tah bakunè pekirohna i lako mengkubu janah mengeradasken kami karina, bagi bak daberru dekket anak-anak.