Popular Bible Verses from 1 Musa 22

Share

Igerari si Abraham mo bekkas i, “Ipèmaken JAHOWA ngo siniperluken”. Janah soh bagèndari ngo idokken dèba “I delleng JAHOWA ipepada ngo siniperluken”.

Nina Dèbata mo, “Laus mo kènè mi delleng Moria dekket si Isak, anakmu sisada i, kekelengen atèmi. I babo delleng sinaing Kutuduhken bamu i sidi, pèlèken mo anakmu i, mahan pèlèen situtungen bangKu.”

“Ulang sèat anakmu, janah ulang ikekadè ko ia.” Nina JAHOWA mo merkitè malaèkatna i. “Bagèndari enggo Kubettoh ipesangap janah iuèi kono ngo Aku, kerna oda ijua ko merèken anakmu sisada-sada i bangKu.”

Ialoi si Abraham mo, “Dèbata ngo mèmaken anak biri-biri i,” Nai iterrusken kalak i mo merdalan.

mertinèncuk mo pasu-pasungKu bamu, janah pinemparmu bagè buè bintang i langit janah bagè buè kersik i biding laut. Italuken pinemparmu ngo musuhna. Karina bangsa i tanoh èn mengido taba Aku, asa Kupasu-pasu kalak i tosè bagè pasu-pasungKu bai pinemparmu – kumarna iuèi ko katangKu.”

Daoh-daoh ariin nola, iunjun Dèbata mo kepercayaen si Abraham. Dilo-dilo mo Dèbata, “O, Abraham!” Nai ialoi si Abraham mo, “Kadè ngo alè Jahowa?”

Tapi dilo-dilo mo malaèkat JAHOWA i langit nai, “O Abraham, Abraham.” Ialoi si Abraham mo, “Kadè alè Jahowa!”

Idiloken malaèkat JAHOWA mo sikali nai taba si Abraham, “Nina JAHOWA: Merbulaban ngo Aku merkitè gerarKu, kerna enggo ibaing kono bagi janah oda ijua ko merèken anakmu sada-sada i bangKu

Soh kessa mo kalak i mi bekkas sinidokken JAHOWA taba si Abraham, ibahan mo sada langgaten janah isusun mo sebban i i babona. Nai ièkèt mo anakna i, iampèken mo mi langgaten i, i babo sebban i.