Popular Bible Verses from Lukas 7

Share

Jega jem temawer Ai ims towastana, wini aaiserem jei Ams nesiktene unggwanfer, ane jei Ai As jewer nesiktenerem jei ga jem gwerauwulu etam-etama kapka jemna unggwanfer jeiserem ga Ames wirulbisini. Afa angtane Ai bastowaifer As jei gam nesiktenerem, jeiserem ga jem gam gwerauwulu jei jelem inibe ga enggam gam gunu etam-etama amna ga bastowaifer.” Ane Yesus Jei wini jeiserem ga bili, “Ai etam-etama kapka imnaiserem Ai is Ames wirulbili.”

Yesus wini jeiserem ga bili, “Aamei Ai As im tebana, jega jem temawer Uwa Sanbagiri ga is mes waakenulsini. Gas sofwe, waakenfer!”

Jei Yesusem duruwer fina, Jem tof gwetmanap. Ane jei ga syena, Yesusmana tufa ga titinsobana nwefome. Ane tufa Yesusmana gamjon ga wirsobana jelem nabal safame jamer serter, ane tufa ga aalumbene, ane minyaka jeiserem ga suwulntena Jem tufabe.

Ai bunarsusfer angtane bastouya, jega jem temawer ai aner ajam jelyan Imnibe. Jengga baabeta Imna anesus, ane ai tousa afa Aamei jafner Is gunurum enggame, ‘Se waakenswe!’ angtane jeiserem awelna amna as jei gweyibenerem jei gase waakenswena. Ga enggam, ai am sanbakaiserem ai ga ajem gwonap gwena, ane ginanggwana afweraiserem jei am gwonap naawena. Ai ginanggwa afa jam agam balaram, ‘Se sofwe!’ ane jei ga gam sofna. Ai ginanggwa nafsi enggam jam agam balaram, ‘Jas jal!’, ane jei gam jela. Ai angtane awelna amna as jei gweyibenerem enggam as balaram, ‘Se eyebi!’, ane jei ga gam eyebili. Aamei jeime galater, seyafter gemerserem Aamei gemer Igam gunurum, ga gemer gam etamwena.” Yesus Jei jame aa galap sarbilirim taterisi jeiserem, Jei ga bitbitwena. Jei ga irfwena, ane ga balbabili angtane uskambar Jei aa jei ne onsobanaram, “Ai ims towas-towastababili, angtane negeri Israelmana seyafter gemerserem jemniwer, Ai angtane afa gemerje ini jemna Ams tebalaiserem afa Ajam damtamiyen angtane aas galserem, jei Ai As ginggitfer tebana.”

Jes galapserem, Yesus angtane uskambar ga jem waakentababili: Angtane afwer jei bwerna nafis-nafisem ge folbamini, ane afwer ga angtane bwat kapka aa jei ge kayipminirim. Ane Jei angtane uskambar nwena kofaiserem nwena jemna ga waakentabaipmini, jei ga aa ge anggabisini. Ane Yesus ga angtane naura jeiserem Yohanes aa jei ne tikwebaatinennerem ga tamawolmini, “Ga sege warau Yohanesminip, ane aamei ijesa domolaram, ane ijesa sarbisinirim Am temawer, seyafter jeiserem ga isa nasibene Yohanesfe. Angtane nwe kofaiserem jei ga aa ge anggabisini. Angtane muli-mulniserem jei ga aa ge wofebili. Angtane tifin bwerna aa jei ge folbaminirim, jei ga aa ge ferwebitini. Angtane imwa mutuserem ga aa ge sarbili. Angtane futunuserem jei gamjon ga aa ge fersobuntyo terewer. Ane Taterisi Waakena Uwa Sanbagirmana ga aane nasipminenne angtane galgalyenaiserem jebe.