Popular Bible Verses from Lukas 6

Share

Sa golmi angtane nafsiserem jebe, ane Uwa Sanbagiri is gase golmini ibe. Uwa Sanbagiri Jei ga ibe uskambarsus ga is enggam se golmini aas gamserem, twiri unggwandusa burwana gam igama gwetaasit, jamer gam tenbitye, aam temawer mwongga aamei ijesa gwirinminirim angtane nafsiserem jebe, Uwa Sanbagiri jegme mwongga jeiserem ga is jeter gam gwirinmini ibe.”

Angtane waakena jei taterisi waakenaiserem ga jes gam nasbili, aam temawer ini jemna buguf waakenaiserem jeme. Angtane kapkaiserem jei taterisi kapkaiserem ga jes gam nasbili, aam temawer ini jemna buguf kapkaiserem jeme. Jeba bunaram, aam temawer jes igama biltenaram aaremawer, jeiserem ga iniwer gam tawetya.”

Wowo, jeke gam! Ginanggwana ilemanaiserem ga jam isa nesiktababili, ane ga waakenaiserem ga jes igama eyeipmini jebe. Aamei ga nomkef isa golmini, ane enggam ipsama gunurum, gamjon jam warauwulbofe. Ane afa aamei gam isa eyebilirim, aamei ga isa eyebili Uwa Sanbagiri galserem, ane Uwa Sanbagiri Jei fwaina ga unggwandusa ip ga is golmisi. Uwa Sanbagiri Jei aas galserem: safe angtane kakalaiserem jei enggam jam ge gubiyen, ‘Ase samfer golmini’, Jei angtane jeiserem gam batobaabili.

Aamei ga angtane seyafter isa nesiktababili ane ga isa batobaabili, Uwa imna gamserem angtane seyafter nesiktababili ane ga batobaabili.”

Yesus Jei gamjon ga balbabili, “Aamei angtane nafsi aa jes eyebilirim, ipsam donolnbaanut, jega Uwa Sanbagiri Jeime imnip Jam donolnnuyon! Ipsama gunurum angtane nafsi jei etam-etamabara, ga sene tamtamtababili, ane Uwa Sanbagiri Jei aamei ijam tamtamtababiyen! Etam-etama angtane nafsimana ga is borolmini, ane Uwa Sanbagiri Jei etam-etama imnaiserem gase wirtabaabili.

Yesus Jei gamjon ga balbabili, “Jengga aamei namwer Ai As ijeya sarbasinirim, Ai aaiserem isa jes nasipmiwenaram: Ginanggwana ilemana ga jam isa nesiktababili, ane waakenater ga igama eyeipmini angtane aamei kakalmer is jei gane nasbabilirim kakalmer. Angtane safe is jei gane babapsobanaram, aamei ga Uwa Sanbagirfe sembayanga ga isa gwebabana, jega Jei waakenaiserem ga gam golmini jebe. Ane aamei sembayanga ga isa gwebabana angtane kapkaiserem ibe is jei gane eyeibenerem.

Aamei ga isa eyebili angtane nafisfe, jes galserem aamei igemera bilirim ilem inibe, angtane nafsi jei sene eyeipmifi ibe.

Afa angtane is jam gam saftanaram olbumu afwer aaiserem jebe, safnant, aamei ijam fwayenulboyon, jengga olbumu afweraiserem jes mese is saf gam sofsobana. Afa fene sagamana is jam gam amserentabanaram, safnant, fene orolemana ilemana jegme igam tetmini. Afa angtane apgal jigala is jam gane bilipminirim imniwer, ga igama golmini jeiserem jebe; ane apgal jigala ilemansusu is jam gane tamserenibenerem, gamjon ijama bilyen jam warauwulfe.

Yesus Jei gamjon ga balbabili, “Tini afa waakena, igi jemna kabwakfer je jam teyan. Ane ga gam tini afa kapka, je jam teyan igi jemna waakenfer.

Tini seyafter gemerserem ga tannawer gane domola. Angtane gwili jam targayan gimminiwer, ane jei yapkana jam targayan serwenminiwer.