Popular Bible Verses from YOHANES 16

Share

Sasaibino naiya Yaku bantile sulano komuyu pomalaat monondokan sabab pomeenggon tukon Yaku. Doi dunia komuyu naikon sakisaa. Bai poekeenggele konoamuyu! Yaku lapamo lungguiyo kodunia!”

Bai kalu Rohdoo lubat, doiya Yanamo komo okitakanggene ko Mian Bisa nabisa-bisaan, komuyu linolaing sulano potingoniiyo sasaibino kona bisaan. Yana aki nabasalita tolongo butongo susuungo bai Yana bantile oila komo lapamo lengele, tukon Yana naikon pailukene doi komuyu oila naikon komo teali oloyo doibundu.

Polong doi oloyo nia komuyu akiyoon pomangkabi oioila moluwedoi sambung-Ku. Pomangkabi, maka komuyu naikon mantalima, sulano kopoo labaan monondok.”

Bai Yaku bantile komo bisa doi komuyu: Lobian monondok kona tuukan doi komuyu, mangaani kalu aki Kuampakon, Potomboniidoo aki nalubat doi komuyu. Bai kalu Yaku ampakon, Yaku naikon sumboliiyo Yana doi komuyu. Kalu Yana lubat, Yana naikon okitakanggene doi dunia koalatino mobisa dolalimoo, doi oila komo bisa, tukon komo doi Mian Bisa naukuman.

Bunomo doiya lakon komuyu: Budodoiya komuyu susa konoamuyu, bai Yaku pososuung koidan tukon komuyu, maka konoamuyu naikon laba-laba; tukon akiyo komeeng komian monggoola alayo kopolabaano doi noamuyu. Doi oloyodoo, komuyu akimo pomansadai oioila koidan doi Yaku. Poanggayomo: Oilamo kopo kinabi doi Tama luwe sambung-Ku, doiya naikon Tama beekene doi komuyu.

Poanggayomo, komuyu naikon kokiil tukon uwookon, bai komian doi dunia tolongo tedes-tedes. Komuyu naikon susa konoamuyu, bai kopo susanoo bolii teali laba-labaan.