Popular Bible Verses from YOHANES 15

Share

Yakumo koanggur batango, tukon komuyu kopanga-pangano. Mian mo tataap pomeenggon tukon Yaku tukon Yaku maka yana, naikon sao badaang; sabab kalu bolikon Yaku, komuyu aki nggoola mongkubai oioila.

Potataap pomeenggon tukon Yaku tukon Yaku tataap pomeenggon tukon komuyu. Kokayung pangano susuungo aki nanggoola sao, kasuali yana tataap liit doi batango. Bunomo lakon doiya komuyu nggoola sao, kalu tataap pomeenggon tukon Yaku.

Kalu komuyu tataap pomeenggon tukon Yaku tukon Kuotunggul ano doi noamuyu lalomo, pomangkabimo doi Tama indeemo kopo iniyas; domu kakabidoo tinalima.

Bolikon komuyu komo piliyo Yaku. Yakumo komo piliyo komuyu, tukon sumboliiyo komuyu ampakon sulano posao badaang – saono mo aki nalokis. Maka Tama naikon beekene doi komuyu oilamo komuyu nakinabi doi Yana moluwe tukon sambung-Ku.

Mian mo seange tuuno kona sobat-sobat doiya miano mo nggoola kona tuboan motuuk doi yanila.

Meeng kopangano doi batangodoo mo aki nasao, pinatol, tukon pangano mo sao, pinupui koloono bailon tukon binilisii sulano nalobian badaang kosaano koidan.

Naiyamo Kuparenta: po poseseang meeng tukon bailon, pokakana buno Yaku mamaasikene komuyu.

Kalu komuyu sao badaang, Tamang-Ku inakabasal; tukon buno doiya komuyu bisa-bisa teali Kupololaing.

Yesus bantile koidan, “Yaku anggur batango mo bisa, tukon Tamang-Ku komo limange kona asi.

Mian mo aki natataap pomeenggon tukon Yaku, naikon sinakukon buno kayung pangano, boobus teali motuul. Kayung-kayung pangano mo buno doiya, naikon pinototongikon tukon sinakukon doi aung lalomo, maka nasinua.

Sasaibino naiya Kubontiikene doi komuyu, sulano Kulabaanoo daano doi noamuyu lalomo, tukon komu labaan teali monondok.

Kalu komuyu ampakonggene Kuparenta-parenta, komuyu tataap tuuno doi Kumaasi, pokakana buno Yaku tataap tuuno doi Tama namaasi sabab ampakonggene Kona parenta-parenta.

Naiyamo Kuparenta doi komuyu: Poposeang meeng tukon bailon.”

Andeno komuyu dunia namian, komuyu nia dunia mamaasikene sabab namian. Bai lapamo Yaku lilike komuyu doi dunia, jadi komuyu bolikono dunia namian. Doiyamo kosababpo dunia namosikitene komuyu.