Popular Bible Verses from Marakusi 5

Share

Nauliꞌ Iesu i towawine iti, “ÁnáꞌKuꞌ! Ánti pepoináláimu i Kódóꞌ, mauriꞌmokoꞌ. Mesuleꞌmokoꞌ i lalu roꞌa ngkatueꞌ. Tekábáhámokoꞌ hangko i pantódihámu.”

I oloꞌraꞌ tauna to handaꞌ iti, ara hadua towawine to hampuloꞌ miꞌi hai rompare nahumba oaꞌ, tiꞌara mengkakaroo. Handaꞌ kánina membiáꞌ bona rapákupui i sando, duuꞌna upu óntóꞌ támbina napobaluꞌ napopobaiari. Agáiáná tiꞌara ara kamauriꞌána, tetámbái riꞌi hakiꞌna iti.

Kanatóbóꞌna peá, kásáliu mengkaroo waheꞌna. Toꞌu-toꞌu nahádi kamauriꞌna miꞌi hakiꞌna.

Tinuwuꞌna ánángkóiꞌ iti hampuloꞌ hai rompare. Natibaaꞌ miꞌi Iesu taena, haneꞌi Nahángáꞌá, “Mearómokoꞌ, ánáꞌKuꞌ!” I lalu básáraꞌ toIahudiꞌ, node laluitaNa: “Talita kum!” Mearó miꞌi ánángkóiꞌ iti hai liu-liu molumao. Tingkáráꞌ ntepuꞌuheꞌ upu-upu tauna to manginta.

Tangaꞌna mani Iesu molaluita, haweꞌmoheꞌ bahangapa tauna hangko i támbina Iairu mohángáꞌá Iairu, rauliꞌ, “Tuá, ánáꞌmu mate miꞌi. Ineeꞌmokoꞌ mopakasusa Guru.” Kanahádina peá Iesu apa to rauliꞌ tauna iti, Nahángáꞌá Iairu, “Ineeꞌkoꞌ malááꞌ! Mepoináláimokoꞌ!”

Mantepuꞌu miꞌi Iesu mohuoꞌ tokadake to mampesuaꞌi tauna iti, Nauliꞌ, “Mesuwuꞌmokoꞌ hangko i tauna deꞌe!” Agáiáná monganga-nganga riꞌi tauna iti napasimbuku, nauliꞌ, “Iesu, Ánáꞌna Pueꞌ Ala to i Surugáꞌ! Apa riꞌi urusiáMu i kódóꞌ? Kupembiáꞌ i lalu hangaꞌna Pueꞌ Ala, ineeꞌaꞌ ina Nupopeahiahiꞌ.” Napekuneꞌ Iesu, “Heáná hangaꞌmu?” Nahániki, “Hangaꞌkuꞌ Legio, láwiꞌ handaꞌangkaiꞌ to mesuaꞌ i tauna deꞌe.” Hangaꞌna Legio iti, lempóna: i sábuna.