Popular Bible Verses from Lukasi 12

Share

Onoꞌ miꞌi haneꞌi kómu woꞌo hangaa-ngaa timamakou oaꞌ, láwiꞌ kaꞌina haweꞌna huleꞌ Ánáꞌ Mánusiá, tiꞌara niꞌisá impirá tempóna.”

Mewaliꞌ, hangaa-ngaa nipaioru popárentána Pueꞌ Ala i lalu katueꞌmi, hai upu-upuna to niparaluu bateꞌna ina Naweꞌikou.”

Roo onoꞌ, nauliꞌ Iesu i tauna to handaꞌ, “Maingáꞌ-ingáꞌkou hai maroꞌa-roꞌakou, ineeꞌkou mampoinao morámpu párewá ngkáduniáꞌ, láwiꞌ kehapiꞌ handaꞌ párewámi, tiꞌara iti to mopakanótó kamaroꞌana katueꞌtaꞌ.”

Láwiꞌ apa to nipaioru i lalu katueꞌmi, bateꞌna iti oaꞌ to nipekiri.”

Apa miꞌi pobunduꞌána handaꞌ to nipekiri? Kehapiꞌ karaoꞌ inaomi mampekiri mampopengaa, tiꞌarakou peisá motámbái tinuwuꞌmi, kehapiꞌ hambengiá peá.

Roo onoꞌ, Iesu molaluita i topeguruNaheꞌ, Nauliꞌ, “Onoꞌ miꞌi haneꞌi Kuhángáꞌákou: ineeꞌ nipokaraoꞌ inao kana i katueꞌmi ba niuliꞌ, ‘Apa miꞌi to taꞌandeꞌ?’ ba ‘Apa miꞌi to tapowaruꞌ?’

Pelumbuꞌna mani kómu taunáNa. Mogalo riꞌi imbaꞌna weluáꞌmi, naisá Pueꞌ Ala kahandaꞌna. Mewaliꞌ ineeꞌkou malááꞌ. Melumbuꞌ pekádipurána Pueꞌ Ala i kómu haneꞌi pokádipuráNa dena to handaꞌ.”

Iesu mopaliliu wopiꞌi laluitaNa, Nauliꞌ, “Kómu to meuláꞌ i Kódóꞌ, kehapiꞌ tiꞌarakou handaꞌ, ineeꞌkou malááꞌ, láwiꞌ Pueꞌ Ala Umámi góeꞌ ntepuꞌu mokámpáikou hai motarimakou i lalu popárentáNa.

Nipeita tádáhi kaaꞌ. Tiꞌaraheꞌ mowiáꞌ, tiꞌaraheꞌ mepare, tiꞌara woꞌo ara buhoꞌraꞌ, agáiáná kehapiꞌ noꞌonoꞌ, pandeꞌraꞌ bateꞌna napatimama Pueꞌ Ala. Apa mani kómu. Melumbuꞌ mani pekádipurána Pueꞌ Ala i kómu hangko i tádáhi.

Ineeꞌ karaoꞌ inaomi ba niuliꞌ, ‘Apa miꞌi to taꞌandeꞌ hai tainu, hai apa miꞌi woꞌo to tapowaruꞌ?’

Rumpuꞌ tueꞌ deꞌe-deꞌe i pádá hai kahalona rahunu, agáiáná kehapiꞌ noꞌonoꞌ, Pueꞌ Ala mampoperaeꞌ oaꞌ rumpuꞌ iti. Apa mani kómu! Melumbuꞌ ntepuꞌu pekádipurána Pueꞌ Ala i kómu. Mewaliꞌ, moapa riꞌi haneꞌi tiꞌara nihárungá pekádipuráNa iti?

I tempó iti woꞌo, i sábuna tauna to haweꞌ láwiꞌ mampoinaoheꞌ moita Iesu. Mombegihiꞌ-gihiꞌmoheꞌ álána mombekada-kadaheꞌ. I tempó iti, mantepuꞌu miꞌi Iesu mepaturoꞌ, rungu-runguna i topeguruNa, Nauliꞌ, “Maingáꞌ-ingáꞌkou i toParisi, láwiꞌ mampe to maroꞌa peheꞌ. Hira nodoheꞌ ragiꞌ. Agáiáná, upu-upu to ara i laluraꞌ ina tebungkáhi, hai upu-upu to tewuniángi ina tongawaꞌ.