Popular Bible Verses from Iohane 14

Share

Katinda lalu Kuwoliákou. Katinda lalu hangko i Kódóꞌ, iti miꞌi to Kuweꞌikou. To Kuweꞌikou deꞌe, tiꞌara nodo to nilámbiꞌ hangko i duniáꞌ. Ineeꞌ karaoꞌ inaomi, hai ineeꞌkou malááꞌ.

Nauliꞌ Iesu, “Kódóꞌ miꞌi deꞌe rárá lao i surugáꞌ, Kódóꞌ miꞌi deꞌe to mopakanótóákou apa to toꞌu mokana i Pueꞌ Ala, hai Kódóꞌ miꞌi deꞌe to mampoweꞌikou katueꞌ to maroꞌa to tiꞌara mokahópóꞌá. Tiꞌara ara haweꞌ hadua to peisá haweꞌ i UmáNgkuꞌ, ane tiꞌara moliu i Kódóꞌ.

Iesu mopaliliu wopiꞌi laluitaNa i topeguruNaheꞌ, Nauliꞌ, “Ineeꞌ karaoꞌ inaomi! Mepoináláimokou i Pueꞌ Ala, hai mepoináláimokou woꞌo i Kódóꞌ.

Agáiáná ane haweꞌ miꞌi Inao to Magasaꞌ, Ia ina mopaturoꞌákou upu-upuna, hai ina Napopambuhinaoákou upu-upu to Kuhángáꞌámokou, láwiꞌ Ia miꞌi Topetulungi to ina nahuoꞌ mai UmáNgkuꞌ mopaháwángiAꞌ.

Tauna to motarima hai mampeuláꞌi hawaꞌKuꞌ, hira miꞌi to mampokaꞌahiꞌAꞌ. UmáNgkuꞌ ina mampokaꞌahiꞌ tauna to mampokaꞌahiꞌAꞌ, hai Kódóꞌ woꞌo ina mampokaꞌahiꞌheꞌ, hai ina Kupatongawaꞌáheꞌ kaheánáNgkuꞌ.”

Hai ina Kupembiáꞌ i UmáNgkuꞌ, bona Naweꞌikou hadua Topetulungi to ntániꞌna, bona Ia mamporángákou oaꞌ duuꞌna i rue-ruena. Topetulungi iti, Ia miꞌi Inaona Pueꞌ Ala to ina moteteꞌkou i paturoꞌ to toꞌu. Tauna to tiꞌara mepoinálái, tiꞌaraheꞌ peisá motarima Inaona Pueꞌ Ala, láwiꞌ tiꞌaraheꞌ moisá hai mohádiá pokalena Inaona Pueꞌ Ala. Agáiáná kómu, niꞌisá miꞌi, láwiꞌ Naporángákou deꞌe-deꞌe, hai Ia ina ara oaꞌ i lalumi.

Hai apa peá to nipembiáꞌ i lalu hangaꞌKuꞌ, ina Kuweꞌikou bona UmáNgkuꞌ rapomahile ánti kaKódóꞌna. Apa peá to nipembiáꞌ i lalu hangaꞌKuꞌ, bateꞌna ina Kubábehi.”

Iesu mopaliliu laluitana, Nauliꞌ, “Ane nipokaꞌahiꞌAꞌ, ina nipeuláꞌi hawaꞌKuꞌ.

I támbina UmáNgkuꞌ, handaꞌ katoroꞌá. Ane ketiꞌarai noꞌonoꞌ, ketiꞌarakou ina Kuhángáꞌá. Ina laoAꞌ mopatimamaꞌákou katoroꞌámi.

Ane upu miꞌi Kupatimama katoroꞌámi, ina mesuleꞌ wopaꞌAꞌ maikou Kuala, hai ina Kuántikou i katoroꞌáNgkuꞌ, bona iumbá peá kaꞌaraꞌáNgkuꞌ, ionoꞌkou woꞌo hingkakani hai Kódóꞌ.

Nauliꞌ Tómá, “Pueꞌ, tiꞌara wongkaiꞌkaa moisá iumbá kalaoáMu. Mewaliꞌ, noumbá kakiꞌisáꞌána rárána?”