Popular Bible Verses from Matius 14

Share

Ampo' tahpana nasa'ding nasau pepahi, mahea'mi Petrus anna laonang la limmi', ya' mekohang naoatee, ”O Puang, kalemuiä'! La limmi'mä'!” Napenandai siang Puang Yesus untokei Petrus anna ma'karai naoatee, ”Petrus, Petrus! Dake' sundung kapampetahpa'ammu pano di Kodi'.”

Ampo' tahpana nasa'ding nasau pepahi, mahea'mi Petrus anna laonang la limmi', ya' mekohang naoatee, ”O Puang, kalemuiä'! La limmi'mä'!”

Ampo' tahpa ma'kara Puang Yesus pano diii naoatee, ”Pamahasaia' inahammu! Daummahea'! Kodi'ete' indee.”

Ya' mentimba'mi Petrus napekäyyängngi naoatee, ”O Puang, ponna Dio si'da nee, ya' bahaiä' mating anna mellaoä' yaho di haho uhai.” Naoante Puang Yesus, ”Maimo!” Ya' tuhung siang Petrus yaho mai di lopi anna mellaoi yaho di haho uhai mao ullumba Puang Yesus.

Ingkänna tau ang yaho yato di lopi umpenombai Puang Yesus anna sika naoaitee, ”Ahana inang Änä'na si'dao Puang Alataala.”

Ampo' mentimba' Puang Yesus naoatee, ”Daete' mangki' la sika mao, diongnga'te' mampakande!” Mentimba'mi yato pahsikolana naoatee, ”Ahaete' andeangki', ampo' supung lima roti anna derua bau.”

Naoa bunte Puang Yesus, ”Bahaingkä' mai ne rotimmu anna baummu.” Umpahentang yato tau mai'di anna malai sika mohko' umpoampi' lohpo. Naalang yato lima roti anna derua bau mane mentongai dai' di langi' menge siang umpalau behe dai' di Puang Alataala. Puhai yatoo, ya' nabika-bikang yato roti mane nabeai pano di pahsikolana anna malai nasusa pano di tau mai'di.

Ingkänna tau ang aha donetoo mampebohoi asang. Tahpana puha sika mande, ya' nahimpung salang pahsikolana yato la'binna ang dang napuha tau. Ya' ke punno salake'ne' sampulo derua baki.