Popular Bible Verses from MARKUS 1

Share

Emesare. Ajofe tomitim, Yesus awasiten. Armat Ipit tame aejiserawa, tame apok asan aesosen. Era asan Allah atakam ajanimen.

“Allah akore atakam bare etedayamse. Allah owe aobaomep bare, setep asisimara. Tare tadosa takes, bamakemkoromay wanam Allah atakam ji aeay! Tare Allah Akot Atakam ji aeemay!” Emes atakam aesimen.

Yesus arawa bwi aesokunaoemen. Bwi aesokunaoerawa, wonamo oup ataramtopome ameteporen. Allah Jip sakao sai bapiendae tamen andaen. Yesus damo ten andaepiapen. Allah atakam Surga oup aekorendaemen. “Wore deTii! Dere Wora afaimommin. Dere Wore akotnak.” Emes atakam aesimen.

Dere bwi tare etekupimtaero. Armat Ipit ere, Allah Jip tara akupimtamteman.” Emes atakam aesimen.

Yesus arawa atakam era areotam akoromen, “De! Dera jamkaianimi! Dere, tare asamot owe Dera bajamkai, enamo tamen bapietaa, aememtamtemin.” Yesus emes atakam aesimen. Ara ipit amnuk arawa, ajimi beken ametejiosemisen. Ararawa Yesus ajamkaiemisen.

Era atakam jane ajies oweam jinim daytu aeesen. Are Yesus ara Musa Basakamtam Atakam baememtam owe tamen apok aporesen. Me, Armat Ipit atakam aememtame, Are atakam fiaknak akoren.