Popular Bible Verses from YOHANES 17

Share

Era owe woatakam jane bajitas. Worarawa, era owe woatakam ji baekorom, jak akot aseseremtamey. Woatakam, ere atakamnak.

Me Wore Allah anakot, ere Wo taka are. Derarawa, era ambirimemomenim ipit juas Yesus Kristus. Wan owe, Woraye deraye amsam. Emesare, era owe jiinenak atoomemas.

Dere atakam ara owe taka Wora bajanim apok. Wan oweam ara owe aatakam jane ajitemas. Wanam Dera ambesemtemanis. Derarawa, era owe atakamam Wora ajanimtammin. Dot! Era owe takes bimak binip takan batetaramtas. Woraye Deraye taka. Anom taka Dara baememtaroas. Emes aemtaroas, Wore amsam apok owe, Wore Dera ambirimemomenim, emes atakam eemnak aportemas.

Dere Wore era owe, era Surga oup tapirmi ainam batoomtemet, emes atakam Wora bajanim apok. Dere ere, Wore Asan pota Ipit bakikim atakam Wora ajanimmin. Are era owe bajurusum-ombar.

Woraye Deraye taka aememomum. Emesare, Dera batemtem atetamenim pak era oweam atetamo. Ere, are taka daoememomum tamen baemem are. Denom, era oweam, taka aememmarom. Woraye Deraye taka aememamum. Ere, era oweam takanak baemem are. Emes aememtas, Wore amsam apok owe, Wore Dera ambirimemomenim, emes atakam atakamnak aportemas. Are, Wore Dera ajamkaimanis owe afaimmarem, aportemas— Wore Dera afaimmanim tamen are.