Popular Bible Verses from AEMAARIS PAK 4

Share

Wan ipit asamot owe baemejortaer asan apok. Allah, wan ara aemansa tapirmi ipit, asamot bajortaer ipit bataemom apok.” Petrus emes atakam aesimen.

Emes atakam ajanimes arawa, era ajarisiapes tame awawarimen. Allah Jipam era owe aemomemkoromen. Era owerawa, Allah atakam, jak fiak aptam akoromesen.

Tuhan! Waa ere, Wore era akorammas jokoman atakam baporey. Wore wobambi karai baetam owe, woatakam bakoretam jak fiak atetamey.

Alkitabam: ‘Tame baeapom owe, eka taka pota aporekem, wanam era eka aeremtiiekem. Era eka ere, tame eka anakotnak aemanse.’ Emes atakam akorem. Era eka, ere Yesus.

Petrusam, Yohanesam, jak fiak owe araren. Ararawa, sekolah daytu bae apoknak owe araren. Are bambi owe taka araren. Era atakam basakamtii owe emes apores, wanam jinim aeesen. Are era ipit amnuk, Yesus ajamkaiaarimis owe aporesen.

Yesus eemnak ambesemkoromes owe takes jak takan aemomesen. Era owe, “Ara pak depak,” emes bajie apoknaken. Me, era pak takes takan aemomesen.