Popular Bible Verses from YOHANES 15

Share

Au le i tanu'an sena in un, ma hi le i tlaef ki. Atoni le nabala anbi kau ma Au ubala anbi in of in fuan nane namfaun. Fun hi ka mibe'i fa he mo'e sa' amkoit Kau.

Mibala nai ambi Kau ma Au bi ki. Onle hau tlaef le ka nafua anmes kun so nabala anbi tanu'an sena in un. Onane amsa hi ka mifuaf kalu hi ka mibala fa ambi Kau.

Leka hi mibala ambi Kau ma Au a'ak nane nabala anbi ki, him loim sa' te amtoti nai, ma of anfe nani neu ki.

Fun hi es kam beti Kau fa, mes Au es a beti ki. Ma Au uki'ab ki, he nati' him nao nai ma mifua nai ma hi fuam nane nabala. He nati' him toti sa' na'ko Ama anbi Au kanak, In anfe nani neu ki.

Katit fa lasi manekat le a nesin na'ko atoni le nana'at in monin neu in bae benu sin.

Ale tlaef le anbi Kau, ma ka nafuaf, In oet nisan, mes ale tlaef le nafua, In nakbala nani he nafua nes.

Au fe ki plenat i, he nati' hi manek es nok es. Onle Au nek ulali ki.

Leka hi mifua namfau, of nanaeb Au Ama, ma natuin lasi nane, him fani Au asimo lasi.”

Usif Yesus nak, “Au le i tanu'an sena amneot in un ma Au Ama In hau tuaf kun.

Atoni le ka nabala fa anbi Kau, anpolin napoitan onle hau tlaef ma anmate. Nalali te atoni nabuab nani ma anpolin natam nani neu ai, oke te anput.

Au uton ale lasi i neu ki, he nati' Au amlilat nane anbi ki ma hi amlilat nane nanokbon.

Kalu hi mituin Au plenat, of hi mibala ambi Au manekak. Onle Au utuin Au Ama Ini plenat ma ubala a bi In manekan.

Au fe ki plenat i, he nati' hi manek es nok es.”

Bait hi mi'ko pah pinan of a nek ki on in ini ki. Mes hi ka mi'ko fa pah pinan, fun Au beti ulali ki na'ko pah pinan es nane pah pinan na'unu nekan neu ki.