Popular Bible Verses from YOHANES 14

Share

Au ubela ki tetus ma aomina. Au fe ki Au tetus aomina. Ma sa' le Au fe ki, ka on fa le pah pinan anfe ki. Hi nekam kais na'unu ma kais mimtau.

Usif Yesus nak neune, “Lanan he mihin Uisneno ma mipeni honis esle' Au. Katit fa atoni mese le he nem neu Ama, kalu ka nao natuin Kau fa.

“Kais hi mi'unu nekam, so ampalsai neu Uisneno ma ampalsai neu Kau nok.

Mes Smanan Knino Atuntakus le Ama of ansonu nani anbi Au kanak. Of In nanoina ki ale sa' ma namnauba ki ale sa' le Au u'uab ulali neu ki.

Atoni le ansimo Au plenat ma anmo'e nani, in es a'nek Kau. Ma sekau nek Kau, Au Ama of a'nek in ma Au amsa of nek in ma of Au ulilok eune.”

Of Au toti Ama ma of In anfe ki Atuntakus bian, he nati' In nok ki talan te nabal-bal, esle' Smanaf Amneot. Pah pinan ka nabe'i fa hen simo In fun sin ka nitef ma ka nahinef. Mes hi mihine, fun In nok ki ma of nabala anbi ki.

Ma ale sa' le him toti ambi Au kanak, of Au mo'e ani, he nati' nanaeb Ama anbi An mone. Leka him toit sa' neu Kau anbi Au kanak of Au mo'e ani.”

“Kalu him nek Kau, of hi mituin Au plenat sin.

Anbi Au Ama In ume anmu'i bale namfaun. Bait ka on fa nane, Au ka uton ki fa. Fun Au he nao eu bale nane he uloitan bale neu ki.

Leka Au nao eu bale nane ma uloitan ulali bale neu ki, of Au fain aum ma ok ki neu Au bale, he nati' Au bi bale me, hi amsa ambin.

Nai Tomas nak neu In, “Uisneno, hai ka mihin fa Hom nao meu me. Es nane hai he mihin lanan nane onme ka?”