Popular Bible Verses from Gɛ̀lésìà 5

Share

Kɛɛ pɛ lɛ́ Gɛ̀ɛ̀ Púlú è ɓa à káa, lɛ́ e kélɛ̀, lɔ̀-kɛ̀à-mɔ̀, géli, e bɛ̀i, zò-yà-gé, ɛ̃́ɛ̃́ zò-kũ̀-tã́ã̀, e bɛ̀i, wɔ̃́ kɛ̀ mi lɛ̀ɛ zì yiè, sɔ̃̀ɔ̃-kɛ̀-sɛ̀, e bɛ̀i, mia zò-dɔ̀-i-mɔ̀, ɛ̃́ɛ̃́ kpóló-kpɔ̀-mɔ̀, wà dìè-kũ̀-tã́ã̀. Lɔ́ɔ̀ lɛ́ è bɛ̀i gèlè gɔ̃ɔ̀ wɔ̃́ nì e kéa káa ye wá ɓe.

Wɔ̃́ m̀ gèea, gɛ̃̀ e ké. Kà táá Gɛ̀ɛ̀ Púlú zì wɔ̃́ kɛ-kɔ̀ kpáá yí. Yé aà kɛ kília, kàá ló wɔ̃́ lɛ́ à lɔ̀ è ka zì kɛ-kɔ̀ kɛ̀ɛ zò-dà-wɔ̃̀ kɛɛ̀.

Gɛ̀ɛ̀ Púlú aà kɛ̀ɓe nɔ ko lɛ̀ɛ. Lɛ à mɔ̀ kó táá à zì wɔ̃́ kɛ-kɔ̀ kpáá yí nɔ́ kíli.

Mia lɛ́ o Kɛ́lɛ̀ì Zízɛ̀ là mia nì káa, waà o dìè zì kɛ-kɔ̀, e bɛ̀i, o zì kɛ-kɔ̀ nàà-ká-wɔ̃̀, ɛ̃́ɛ̃́ wà wɔ̃́ kɛ-lɔ̀ lɛ́ è o kɛ̀ɛ, waà o zɛ.

Wɔ̃́ lɛ́ ko zì kɛ-kɔ̀ à kɛ̀ɛ à bĩ̀ĩĩ̀ wá. Lɛ́ɛ̀ sɔ̃̀ɔ̃ yɔɔ kɛ̀, tó áà wɔ̃́ lilì kṹã̀a zɛ̀ kɛ̀, e bɛ̀i, áà nɛ́ĩ̀ wà mànaà zɛ̀. Lɛ́ɛ̀ gbìnì kɛ̀ɛ̀-wɛ́lɛ́ lɛ̀ɛ, tó áà nyìɛ̀ yɔɔ̀ yɔɔ̀ bɛ̃̀ɛ̃ kɛ̀. Lɛ́ɛ̀ à kɛ̀ tó mia wáà dàa-gbe là kɛ̀ o kíe nì mɔ̀. Óò gèlè gɔ̃, tó wáà fɔ̃̀ɔ̃́-là kɛ̀. Ɛ́ɛ̃́ wɔ̃́ lɛ́ɛ̀ o wàa. Óò dɔ o dìè là. Óò o dìè yí gìnì, tó wáà o fĩ̀ã̀ ɓò o kíe nì mɔ̀. O zò kɛ̀ ɓɛ́ĩ̀ gbɛɛ wà pɛ mɔ̀ mìà ká. Óò yɔ mi áà o kɛ̀, tó wáà kpílì kɛ̀. Tó wáà wɔ̃́ doò do lɛ́ e píé kéa kɛ̀. Ḿm̀ lìè-wè gèe ka lɛ̀ɛ zi nɔ́ maà gèe doá ka lɛ̀ɛ ká. Mia lɛ́ ò wɔ̃́ sùua kɛ̀ɛ, o dɔ̀lɔ̀ lɛ̀ɛ́ bɛ̀i kɛɛ̀ mia lɛ́ Wálà tóò lɛ o làa fĩ̀ã̀.

M lèe-gé vɔ̀, ka yee Wálà aà ka súo kɛ kɛ ká kɛ ka dìè kɔ̀ mɔ̀. Kɛɛ tò-dìè-kɔ̀ mɔ̀ e kéa, yékɛ̀ ká tó é kɛ ka wè-ɓò-yí-bà wɔ̃̀ ká, káà à tò ka zì gbĩ-kpàla nàà-ká-wɔ̃̀ áà ka líé sì. Kɛɛ mi lɔ̀-kpɔ̀-mi-mɔ̀ è à kɛ káà gbũ̀ ka kíe nì mɔ̀.

Ƃii wɔ̃́ lɛ́ ko zì kɛ-kɔ̀ à nàà à káa, à ko gbɛ̃̀ɛ̃̀ lɛ wɔ̃́ lɛ́ Gɛ̀ɛ̀ Púlú à nàà à káa mɔ̀. Ɛ́ɛ̃́ wɔ̃́ lɛ́ Gɛ̀ɛ̀ Púlú à nàà à káa, à ko gbɛ̃̀ɛ̃̀ lɛ wɔ̃́ lɛ́ ko zì kɛ-kɔ̀ à nàà à káa mɔ̀. O pèèlɛɛ óò gèlè gɔ̃ o kíe nì ká. À yí lɛ́ e kélɛ̀, lɛ́ɛ̀ ka tèa wɔ̃̀ lɛ́ kà nàà ká kɛɛ kɛɛ̀ mɔ̀.

Ƃii Lɔ́ɔ̀ɔ pɛ̀ séĩ́ kɛɛ̀ lɛ wánà zɛ̀ pɛ doó yí. Pɛ́ e kília lɛ́ e kélɛ̀, “I yà-sɔ́nɔ́-mìà zì lɔ̀-kpɔ̀ i mɔ̀ɔ, lɛ à mɔ̀ é kɛ lɛ̀ zí i dìè lɔ̀ kpɔ́ɔ̀ lɛ à ká i mɔ̀ɔ lɛ́ ɓe.”

Yékɛ̀ kɔ́á kɔa dìè sí gbùò. Yékɛ̀ kɔ́á bɔ̀ɔ̀ sɔ̀ɔ̀ kɔa kíe nì mɔ̀. Yékɛ̀ kɔ́á dàa-gbe-là kɛ kɔa kíe nì ká.

Pɛ́ e ko kɛ̀lɛ̀ɛ lɛ́ e tɔ́ tò-dìè-là. Kɛ́lɛ̀ì aà ko kɛ kɔaà tó ko dìè kɔ̀ mɔ̀. Yé lɛ kília, kà dɔ ka dɔ̀lɔ̀ mɔ̀ mi lɛ́ aà tó e dìè kɔ̀ mɔ̀ɔ dɔ-zì ká. Yékɛ̀ ká tó ká kɛ zeĩ́ lùò ká.