Popular Bible Verses from MÁFIYU 27

Share

Kpɔkɔ hólo yakpámai kpéi, Jísu i baíni woo wála h̃ú ti híí woí h̃u, i ɣɛ ta, “Ila, Ila, léma sabahááni?” Ná wuí wáá ngáá, “Ní Yálangi, ní Yálangi, ndeénii le yí kúlanga ndɔ́bɔ?”

Maa táingi ná w̃a, kula walái í ɣɛ́i hɛ́lɛni Hɛ́ɛ́ma Yála Pɛ́lɛi wu, i wálini su féle, í séi kɔlɔ́ɔ́ vélei, í foló kɔwɔ́ yángi. Ndɔwɔlɔ́i í bɛ́li, kɔtuítii ti wáli walí sú bɛ́kpɛ. Kambáitii ndaa í wó, Júsuai sítii kpih̃íw̃aa ti ɣɛ́i ngáá Ngalángi vóngaitii, ti ɣɛ́i náa haaní, tí wuyoɣeni sái h̃ú ndɛɛh̃úi í vú ti h̃u

Jísu i baíni mɔ́ɔ woo wála h̃u, í há.

Sóya nuu walaí ná ɛ́ɣɛ sóyai sítii ti ɣɛ́i mba táa Jísu w̃aah̃ú belé, ná tí ndɔwɔlɔ́i lɔní í bɛ́lini, ɛ́ɣɛ sí kpɛ́lɛɛ í híyai na, nduwái i vuí tí h̃u. Kɛ ti ɣɛ́a tá, “Tɔɔỹaá kái kai té, i ɣɛngɔ ngáá Ngalángi H̃íỹɛndou Loí!”

Í séi foló yákpangɔi w̃a í foló kpɔkɔ hólo yakpámai w̃a, ndɔ́wɔlɔi kpɛ́lɛɛ su bindíngɔ i ɣɛi lá háwa sáángɔ hááw̃a.

Kɛ i mɔɔ i ɣɛa ta, “Ndeé lɔ náá ngáá kɛ ngáá nuí síí w̃ɔ́i wáá tolí ngáá Ngalángi Lókolo Mbá W̃ɔ́i?” Kɛ tí ngoo yápotea, ti ɣɛ́ ma, “Kpakpá kulɔ́sii w̃a, í ló na í há!” Í mɔ́ɔ́ ti w̃ɔ́ɔ́ni, i ɣɛ ta, “Ndeénii le? Faa ỹɔ́i bɛɛ́ lɔ í kɛ́ngɔ?” Kɛ́ ti kpɛ́lɛɛ tí woo gúlai nɔ́ɔ ngwala, ti ɣɛ́ ma, “Kpakpá kulɔ́sii w̃a!”