Popular Bible Verses from Ɛ́séɖɔ̀ 3

Share

Ké Gèɖèpɔ́ɔ̀ cɛ̃ɛ ma ɔ gbo, ké ɔ ɖá, “Mɔ̄ mɔ̀ nyɔ ḿ jǔɛɛ, ɔɔ̀ ḿ jǔ. Cɛ̃ɛ Éézùɖùɛ̀-dyù ɓěɔ̀ gbo kà nyɔ mɔ̀ nyɔ kɔ̃̀ nyɛ́nɛ́ mɔ̀à Mɔ̄ Mɔ̀ɛɛ ɖǎ m̀ ɖé wa gbo ɖoɓoɛ.

Ké Gèɖèpɔ́ɔ̀ ɖá, “Ní mu ɓó m̀ gbo nììn. Ɖɛ nìà kɛ mu dyí-dyuòìn-ɖɛ̀ jǔùn kà mɔ̄ mɔ̀ nyɔ ɖǎ m̀ ɖoɓoɛ. Ti ɓɛ́ nì mu nyɔ ɓěɔ̀ ɖé Íjè-ɓòɖòɔ̀ kɔ̃ zàùn wɛ̃ɛ, ɓě mu ḿ ɓièìn nɔ̄ toɖo nìà kɛ dya.”

Ké Bounɓoɔ̀ ɖá, “Mɔ̀ǔn ɖá ɓɛ́ m̀ ké ɓó dyi xwɛ̃́ìn ɖe. Zà nì bǎɔ̀ ɓoún, sepóɛɖé pá m̀ nyànàà ɓó kɔ̃ dyiɛɛ mɔ̀ pá hwɛ̀ǐn-hwɛ̀ǐn.

Ké Bounɓoɔ̀ cɛ̃ɛ ma ɔ gbo, ké ɔ ɖá, “Ḿ ɖǎa dyéɖéi hwɔ̀ìn kà wa nyu ní nyɔ ɓěɔ̀ dyi pĩ́àà ɖé Íjè-ɓòɖòɔ̀ kɔ̃ɛ. Ḿ ɖǎ waà vĩ̌-wùɖù ɓá kà wa gǐì-ɓǎ ɓěɔ̀ nyu wa bũ̌in nyìnìɛ̀n nyɛɛ jè dyíɛɛ wɔ̃́, ké waà gǎ-dyé-dyéɔ̀ jè ɖǎ ḿ hwòɖǒ kpɔ̃. Ɔ jèɛɛ, ḿ ɖǎ ɓíɖíi dyi, ɓɛ́ ḿ ké wa póìn sɔ̀ìn ɖé Íjè-nyɔ̀ ɓěɔ̀ xwaún, ɓɛ́ ḿ ké wa ɖé Íjè-ɓòɖòɔ̀ kɔ̃ zà, ɓɛ́ ḿ ké wa ɓóɖó bã-bã vɛ̀nɛ̀ mɔ̀à Kénà-nyɔ̀ ɓěɔ̀ kè Hítì-nyɔ̀ ɓěɔ̀ kè Ámɔ̀-nyɔ̀ ɓěɔ̀ kè Pɛ́wìɖì-nyɔ̀ ɓěɔ̀ kè Hívì-nyɔ̀ ɓěɔ̀ ɔ kè Jɛ́ɓù-nyɔ̀ ɓěɔ̀ ɓíɖí-ɓòɖò kɛɛ kɔ̃ kpa.

Ké Bounɓoɔ̀ zɛ̃̀ìn ma ínjà ɖò mú, ké ɔ wóɖóìn ma Mózè dyí ɖé nyɛ-mìɔ̀ ɖò ɓɛ́ ɔ nì ɖé cu-gbɔ̌ ɖò mú sɔ̀ǔn wɛ̃ɛ mú. Mózè dyéɛ ma kà cu-gbɔ̌ɔ̀ nì ma nyɛ kɔ̃ɛ, kɛɛ ɔ se ma sĩɛń nì.

Ɔ jèɛɛ, ḿ nì m̀ ɖé Féwòɖò gbo ɖoɓoɛń. Mu, ɓɛ́ m̀ ké ní nyɔ ɓě mɔ̀à Éézùɖùɛ̀-dyù ɓěɔ̀ kɛɛ ɖé Íjè-ɓòɖòɔ̀ kɔ̃ zà.”