Popular Bible Verses from San Marcos 8

Share

Cumu iyába ca benni rdaca odilá elha nabani guecani yies lo yu-ni, unnittiba elha nabani guecani, iyába ca benni erú iqui erú lecani gatticana lo niꞌa quia lhe lo niꞌa gue ca tisa gue Tata Do Iyyabaaha lhe guadíba ca nua elha nabani gatta ttu tsaba guecani.

Tsa lägabi ixuu len ttu benni ganna eꞌeyuna acana nu banani iyába nu te yies lo yu-ni, elha nabani gueniha nna ttu tsaba dia nittina.

Laniala nna uxie ca benni rudheti ca tisa ruleꞌe leni adí ca benni seꞌe nía re cabi: —Gansi nuxale raca lele acale benni udheti ca tisa quia-ni, raca duelha erú iqui erú le nua elha nabani gueni, uchíana lo iyába nu satena lhe attiba ttu benni diana noja crusi gueni atta utácan na lo nua. Lana nna ettenobana neti, masquiba uttican na.

Cumu tsa lägabi te ttu bixa ute ttu benni qui gatta elha nabani gueni ttu dia lii. Cumu gansi ttu benni ettuinna quia lhe ettuinna gue ca tisa quia-ni lhe lo ca benni runi nu lä anca tsee seꞌe nnanna ca nu rudhá iquicani Tata Do Iyyabaaha, anáguaba neti Benni unbiyuu daa iyyabaaha ettúguabatia gueni gansi chi dedaaya lheꞌe xieni gaꞌana tsee gue Tata quia do iyyabaaha lenia ca ingeli gue Ben-na.

Laniala nna rá Jesús ca biꞌiniha: —Lebiꞌi nna ¿núla rále anca? Pedro nna becabittebabi rábi: —Lu ancalu Cristu Benni udhelha Tata Do Iyyabaaha odilá ca benni.