Popular Bible Verses from San Lucas 11

Share

Inqui lebiꞌi ancalale nu lä du tsee leni nna gua rutebale nu tsee len ca xiꞌinle-na, adíla Tata gueri do iyyabaaha, gutebe Espíritu guee len ca benni innábacana Benniha len Ben-na.

Larcala nna neti ria le: “Gualnnaba len Tata Do Iyyabaaha, Benniha nna gutebe nu reasinle. Gualeguila, lee nna gunbe eselinle nu reguilaleha. Gualnne roꞌo yoꞌo, lee nna gunbe idhalcana guele.

Cumu iyába ca benni rinnaba, gua ridíba ca nua nu rinnabacana, ca nu reguilaha nna gua reselbaquin nua nu reguilacana, ca nu rinne roꞌo puertaha nna gua ridhalbacana gue ca nua.”

Jesús re biꞌiniha: —Aní innále atti innele len Tata Do Iyyabaaha: Tata guetu do iyyabaa, ribequi xentu cuinalu cumu anca cuinalu Dios. Utá innabialu riꞌitu. [Beni qui nu runtu yies lo yu-ni acana nu raca lelu aca, attiba raca iyyabaaha.]

Uxí elha xen lasi gue nu lä anca tsee runtu lolu, cumu anáguaba riꞌitu ridítu elha xen lasi gue iyába ca nu run nu lä anca tsee len riꞌitu. Bittu ugüelhalu ixú yietu untu nu bittu anca tsee. Bodilá riꞌitu lo ná nu xxegüiha.

Bete nu reasintu gotu ttu ttu sá.

Ca iyya lolha ancacana nu rudani gue itúba cuerpu guelu. Gansi ca iyya lolha ancacana tsee lania nna itúba cuerpu guelha duna lheꞌe xieni, ttiaca gansi ca iyya lolha ancacana nu bittu anca tsee, lania nna itúba cuerpu guelha duna lheꞌe chulha.

’Ni ttu benni bittu rugalhana ttu gui, lenla nna udaxxuna ttu bixa uttona iqui nua, niguaba lä ruttodhina ttu lmoti iqui nua lhe. Sinuqui udolana nua iqui ttu bixa nu yadha qui cuꞌu nua xieni gue ca benni gaꞌa lhiꞌu lheꞌe yoꞌoha.