Popular Bible Verses from San Juan 17

Share

Beleꞌequinna nu gualí rixxiꞌa ca tisa guelha qui iriescana acacana guelu, cumu ca tisa guelha ancaque nu gualí.

Guattaba elha nabani ttu dia lii gue ca benni gansi un biacana lu, lu nna tturbalu dolu gualíga ancalu Dios, un bia guabacana neti, neti nua Jesús Benni anca Cristu udhelhaluha.

’Läga sunru gue ca unní rinnaba lolu, rinnabaguaba gue ca nu tsia lecani neti gansi chi biyienquinna ca tisa quixxiꞌa ca unní. Rinnaba lolu qui ttuba eseꞌe iyábacana, attiba lu, xa Tata, ttuba Benni ancalu len neti, neti nna ttuba Benni anca len cuinalu. Anáguaba lacana eyacacana ttuba benni len riꞌi, qui anáchu tsia le ca benni seꞌe yies lo yu-ni, lu udhelhalu neti.

Läga rinnaba lolu cualu cana yies lo yu-ni, rinnababa lolu gapal cana qui bittubi udhacani nu xxegüiha cana.

Neti nna chiba benia qui acacana nu ra xxeni leni, attiba lu benlu anca Benni ra xxeni leni, qui acacana ttuba benni attiba lu len neti ttuba Benni ancari. Lu nna dulu len neti. Neti nna dhua len lacana, qui dhacana eꞌeyucana acacana benni seꞌe ttuba. Anía liba nna ttedaani ca benni bittu ria lecani lu, gualíba lu udhelhalu neti, raquinlu guecani attiba raquinlu quia lhe.