Popular Bible Verses from San Juan 16

Share

Iyá unní rixxiꞌatia le qui edíle elha xen lasi rutea de guadúba len lebiꞌi. Yies lo yu-ni nna satele uyúle elha disa. Lebiꞌi nna tsitsi gualcuequi lele, cumu neti nna udába bedú niꞌaya iqui nu lä anca tsee gue yies lo yu-ni.

Gansi chi bisía Espíritu gue Tata Do Iyyabaaha benni rixxiꞌa nu gualí, Benniha uleꞌenie le iyá nu anca gualí, cumu läganu anca gue Benniha innee, nu iyienbani Benniha inná Tata Do Iyyabaaha innee, quixxiꞌenie le iyába nu chi daa aca lhe.

Axta nnanna lägabi chi unnabale lenie udettile láya. Gualnnaba nna guadíbale, qui edaca lele itú iqui itú lele.

Neti nna rpeba le nu anca gualí: Tseerla salíanale eyyaꞌaya, cumu gansi bittuba eyyaꞌaya nna läga isía Espíritu Benni aca lanie le. Ttiaca gansi eyyaꞌaya nna lania nna idhelha Benniha len lebiꞌi. Gansi chi bisía Benniha nna unie ttedaani ca benni bittu ria lecani Tata Do Iyyabaaha seꞌe yies lo yu-ni nú nua te tulha guecani, nú nua runi nu anca tsee lo Tata Do Iyyabaaha lhe nú nua satena lo elha disa ute Tata Do Iyyabaaha gansi chi benie elha uxtisi guecani lhe.

Anáguaba lebiꞌi, ttu nnanna bunna seꞌe siꞌile, neti nna güetaba ettegüiaya le, lania nna eyoꞌo juisia lele. Unnuha ancana ttu elha redaca lee guele nu tsa nuttu nu dhana cuana. ’Gansi chi bisía la sá nna lärgabirua innába tisale neti gue ttu bixa. Neti nna gualíbatia ria, iyába bixa innábale leni Tata quia rudettile láya nna gutebe nua len lebiꞌi.

Neti nna gualíbatia ria, lebiꞌi nna cuesle lhe tseꞌe siꞌile lhe gue nu satea, laca ca benni seꞌe yies lo yu-ni nna eyoꞌo lecani. Ttiaca masquiba tseꞌe siꞌile, lenla nna edaca lele.