Popular Bible Verses from Marcos 14

Share

Ina budekwabijetö: —Chabe'do, ökwöma okobe jwiinö juluwo̧ja. Atebakwö, kwösöditjö̧ma inia tjötinö ja̧tjakwa̧ma baledökönö pjakato. Jo̧kwaijayonö jö̧ta̧lakwö. Jejenö budekwabinö atebijayonö ökwöda waiso̧ja Chabe'do. Kwösödi̧da baledobö webi Chabe'do, ötjö chösödi̧nömaökö— budekwabijetö Abe'do Diosnö.

Ikenama öba̧ja̧di̧ waisachadönö jö̧ba̧lijetö: —Diosnö abebaduwi ökwödönö pjaatobö tupadanö kwo̧'wo̧duwi juluwachibanö kwi̧'yaduwobö. Diosnö abebaduwi sulabenö ja̧köbaduwökakobetjö̧. Isabenö kwo̧'wo̧duwi luwo̧ma, Otiwanö ja̧bö chö̧jo, jö̧ka̧laduwijayonö ökwödöda kwujuluduwinö otiwanö ja̧bö ju̧kwöködöja. Me'dawadöja—jö̧ba̧lijetö Jesúsma öba̧ja̧di̧ waisachadönöma.

Isabenö jö̧ta̧la ökwödönö. Böjȩ bakwameachibanö Dios jawa otiwa wene yötjawenama, bisu tojebaja̧ yötjawakwedö, jojodöma jobuju otiwanö ji̧sebina tjomukwato jö̧ba̧lö—jö̧ba̧lijetö Jesúsma.

—Jwiinö o̧'wo̧ tjo̧acho̧sa, isabenö, cho̧'wo̧ tjo̧achi̧tjö ö'wö batibenanö. Ötjöma chi̧'ya, Chabe'donö yöba̧lö. Ökwödöma benada ba̧nö eda̧laduwi, abibökönö— jö̧ba̧lijetö.

Ikenama Jesúsma, öba̧ja̧di̧ waisachadö ina tjukwonö pan emibö Diosnö yöba̧lijetö, Chabe'do, ökwöma otiwanö jo̧, bipja̧ otiwanö kwiyajabe, jö̧ba̧lö. Ikenama, pan nijawö iyabijetö jobadönö. Iyabinö jö̧ba̧lijetö, wanedö yöbawö: —Bipja̧ panma, ötjö chiteba'o. Emaduwi kukwaduwo— jö̧ba̧lijetö.

Ikenama dȩja̧'do̧, ubasobu o̧'do̧bu okwa'do̧ emibö Diosnö yöba̧lijetö, Chabe'do ökwöma otiwanö jo̧, bobuma otiwanö kwiyajabe, jö̧ba̧lö. Ikenama öba̧ja̧di̧ waisachadönö iyijetö dȩja̧'do̧ma bakwo̧nökwena tjowobö. Jobadönö jö̧ba̧lijetö, wanedö yöbawö: —Bobu ubasobuma ötjö chökwösobu. Ötjöma wotakobe, chökwösobu ebawinö. Jojodö ba̧jekwadönö pjabatö chökwösobu ebawakobe. Ja̧danö, ötjö chökwösobu ebawakwawama i̧sebakobe tjo̧wi̧ Diosma 'yayi̧ wene baibanö tjo̧wi̧ yöbawö ujunajabe. Chökwösobu ebawakwawa omukwatö kwöwaisaduwakobe, Aaa, Dios yöawinadanö badekwachinö baibajabe, jö̧ba̧lö. Isabenö jojodö tjusuli̧ söbebö loawa jo̧be, ötjö chökwösobu ebawobetjö̧.

Ikenama Jesúsma öba̧ja̧di̧ waisachadönö jö̧ba̧lö yöbawijetö: —Babe yö̧te ökwödöma okobe deinö ötjönö kakatibaduwakwedöja. Baikwö laeba Dios iwenetjö, Dios yöawi̧ yöawina wȩyudinama: Diosma o̧bȩja̧dönö te'ada̧lo̧nö kwabö loakobe. Ja̧danö, o̧bȩja̧döma wainökwena dötjibajakwedö, jö̧ba̧lö labebobe Dios iwenetjö —yöbawijetö Jesúsma öba̧ja̧di̧ waisachadönö, jobadöma o̧bȩja̧dödanö ja̧dö, jö̧ba̧lö—.

A̧laibaduwi dȩwa̧jaduwo. Ötjönö iyö lotjakwo̧ma ida̧ökö sulabedökwö ichajabe. Dedajaduwo— jö̧ba̧lijetö.

Jejenö jö̧a̧lijayonö Jesúsma jö̧ba̧lijetö: —Isabenö jö̧ta̧la ökwönö. Babe yö̧te akala dötölatajanö jwöakwa̧ abönö ökwöma wa̧pötakwanö jenanö omöna yöba̧lö kwötabada̧lakwo̧ja ötjönöma, Wajwitökwe Jesúsnö, jö̧ba̧lö— jö̧ba̧lijetö Jesúsma.