Popular Bible Verses from Hechos 16

Share

Jejenö abebö a̧ja̧kwiawö̧ atadijadötö: —Jesúsnö ösödi. Jesúsnö kwösöditjö̧ma, chö̧jibinö pjabato̧, jö̧ba̧lö, kwö̧jibinö baledakobe. Ja̧danö, ökwökwö kwejunö ju̧kwadönöbi baledakobe, Jesúsnö tjösöditjö̧ma— jö̧ba̧lijadötö.

Ikenama, yö̧te ja'ö baibena Pablo, Silas Diosnö abeböbi abebijadötö, ja̧danö, lo̧böbi lo̧bijadötö Diosnö ösödö. Ju'wedö ka̧lena ba̧kwaweju okwa ba̧jadöma Pablo, Silas Diosnö atjebobe, lo̧tjobe a̧ja̧kwijadötö. Ikenama omönanö nijima labinö tjö̧eibobe lileibijetö. Jejenö lileibobetjö̧ ka̧lena ba̧kwaweju okwama labinö tjö̧ebijetö. Ja̧danö, ka̧lena ba̧kwaweju okwa okobe jwiinö apjudebiyama omönanö po̧duwaibijetö. Okobe deinö ka̧lena okwa ba̧jadö tjöjabiyanö 'dii̧ ka̧lenasiju yö̧ekwa osijuma omöna ejachaibö tjoduwaibijetö. Ja̧danö, tji̧bȩjwi̧yanö ötebiya pji̧ekwabi omönanö 'dalachaibijetö.

Ikenama a̧laibö, Pablonö, Silasnö jobetjö öbibö labebijetö. Labebö abebö a̧ja̧kwijetö: —Jweinö yöbawaduwitjö. ¿Dakwö ja̧takwa̧da ötjö chö̧jibinö ja̧toböma?

Ikenama te'ada̧lakwawa jojoma wiluibö okobe jwiinö apjudebiya po̧duwaibajobe edijetö. Jo̧kwaiökwe, ¡Ayö!, chuluwedöma ötjönö kwabö lotjakwo̧sa, beju okwa ba̧jadöma latjebajabe, jö̧ba̧lö, itedada bulatakwawö lootö jö̧ba̧lö emijetö kwölöte'o. Ja̧danö, jo̧banö edö Pabloma labinö jö̧ba̧lijetö: —¡Bulatakwawöma loköba! Edi, okobe deinö ökwödö beju okwanö ba̧jadöma bena dö̧baja. Ladekwokobe— jö̧ba̧lijetö.