Popular Bible Verses from JUAN 7

Share

Eyacuiñajjija esohui jama poani ba'a: “Ojjaña joya ejo jjashahuabaqui'yanicuana jiquio ecua meshiquipajje enaoshe queahuiso cuayaquinequianitii jama pea-ai oya poaje'yo. Oja eyamiquipajje cuayaquipoquije enaoshe jayojja eba'etiitii'yojji.”

Oe-ejjenei epojja fiesta eajeyo'yojji queapamenee judiocuaa acapoa, pea epojjacuana fiesta yajji jama pojjeama. Majoya Jesosa nequisohuamajje janobajjimanei majo ejjachichaqui anicacuana huohuicapoa jama ba'a: —Cua queanabataja poani quiana poecue eque ena ishiya.

Jiquio Jesosaja esohui Edojjoshahuapamejo jama poanijje ba'a: Quijje ojjaña joya Jesosajo ejjashahuabaqui'yocuanaja eyamiyasijje Edojjoshahuapame nequinobiquije. Edojjoshahuapame ca poejjima so'o dejjaque nobiquiya Jesosa Eyahuasijje poqui'yojjima poanajejojoya.

¡A'a eya niñebajji jamatii queaja'anee jjashahuabaquijjima nequiya! Eya baneineimajje miquianajaya ca huohuicajji achajja eya poani, a'a queapame, a'a queapame pojjeama— jama huohuimeya Jesosaa acapoa cuana.

Beca dejjacuaa ojayanei ejjashahuabaquijji huohuicani. Jamaya ohuaya acani onajaya oya queapamenee poani ebajji. Pea dejjaa ca esohui huohuicani onajaya oya queapame poani ebajji pojjeama. Ohuaya ca esohui huohuicani o huoojeajji epoja queapamenee o bajji. Coma dejjaaya esohui e'ejojonei huohuicani, siajje pojjeama. Jama pea-aiya eyaya aña.

Jesosaa saja-acapoa cuana jama ba'a: —Jiquio eya huohuiaña esohui ecueanei pojjeama. Eyacuiñajjija e huoojeajji epoja esohui caca eyaya miquiana huohuiaña.

Jiquio meshijo nequica dejja mimishicuanaja quiana botiama eajji pojjeama. Eya caca oe botiamaneinei acani cuaa oja mimishi eya queaja'a huohuiañajojoya.