Popular Bible Verses from Yuḥanna 21

Share

Wami reyyqen, inna-as Ƹisa i Simƹan Buṭrus: "A Simƹan a mmis n Yuḥanna, ma tḥibbiḏ-ayi ktar zi yina?" Inna-as Simƹan Buṭrus: "Wah a Siḏi, cek ṯessneḏ qa nec texseɣ-c." Inna-as Ƹisa: "Secc izmaren inu." Inna-as Ƹisa wis marrṯayen: "A Simƹan a mmis n Yuḥanna, ma tḥibbiḏ-ayi?" Yenna-as Simƹan: "Wah a Siḏi, cek ṯessneḏ qa nec texseɣ-c." Inna-as Ƹisa: "Arwes iḥuȓiyen inu." Inna-as Ƹisa wis ṯeȓt marraṯ: "A Simƹan a mmis n Yuḥanna, ma texseḏ-ayi?" Iqqes-as ȓḥaȓ i Buṭrus ȓaḥeqqac inna-as-ṯ wis ṯeȓt marraṯ, cek ma texseḏ-ayi? Inna-as: "A Siḏi, cek ṯessneḏ kuȓci. Ṯessneḏ qa nec texseɣ-c." Inna-as Ƹisa: "Secc iḥuȓiyen inu.

Aqa tesȓiḏ ȓḥaqq: Ḏi ṯemẓi nnec tḥezzameḏ ixef nnec traḥeḏ mani ma ṯexseḏ. Walakin xmi ɣa ṯewsareḏ, aḏ tḍeȓqeḏ ifassen nnec ataf ḥadd nneɣni ac iḥezzem ac yawi mani war texseḏ ca."

Inna-asen Ƹisa: "Seyybeṯ ṯracca x ufusi n ṯɣarrabut aḏ tafem iseȓman." Wami t seyyben war zemmaren atid jebḏen ȓaḥeqqac ṯƹemmar s iseȓman aṭṭas.

Ikkar Simƹan Buṭrus inna-asen nec aḏ raḥeɣ aḏ ymareɣ. Nnan-as akic nraḥ uȓa ḏ neccin. Ffɣen, nyin ḏi ṯɣarrabut. Ḏi ǧiȓeṯ nni war ymaren walu.