Popular Bible Verses from Mat 24

Share

Habw'obubi kuhingurana buti, okugonza okwa baingi kulifuka. Baitu ogu aligumiisiriza kuhika ha mpero, nuwe alijunwa.

Kandi Amakuru Amarungi ganu ag'obukama bwa Ruhanga galirangirirwa omunsi yoona, gabe bwakaiso ha mahanga goona; obu nubwo empero erihika.”

Mulihurra obulemu n'engambo zabwo; mwerinde mutalyekanga; habwokuba ebi by'okubaho, baitu empero eriba etakahikire.

Ihanga lirimukirra erindi, n'obukama bulirwanisa obundi, haligwa kiihe kandi halibaho emisisa omu biikaro bingi. Ebi byona eriba ntandiko y'emihito.

Iguru n'ensi birihwaho, baitu ebigambo byange tibirihwaho.”

Habwokuba baingi abaliija omu ibara lyange, nibagamba bati: ‘Ninyowe Kristo’, kandi balihabisa baingi.

“Nubwo balibahayo okubonabonesibwa n'okwitwa; amahanga goona galibanoba habwange. Abaingi balinaga okwikiriza, bagobezangane, kandi banobangane. Haliimuka abarangi baingi ab'ebisuba kandi balihabisa baingi.

Yesu yabagarukamu ati: “Mwerinde, hatalibaho muntu weena arukubahabisa.

Nahabweki na inywe musemeriire kwikara mweteekaniize; habwokuba Omwana w'omuntu aliija ha saaha ei mutarukumunihirranu.”

Nahabweki mwikale nimurora, habwokuba timumanyire kiro MUKAMA eki aliiziramu.

“Baitu ekiro eki n'esaaha egi busaho n'omu abimanyire, noobu baakuba bamalaika ab'omu iguru, noobu yakuba Omwana w'omuntu, kwihaho Isenyowe wenka.

Habwokuba halizooka abarangi ab'ebisuba n'abarukweyeta Kristo, booleke ebihuniriza bingi n'ebyamahano, nukwo bahabise noobu baakubaire abakomerwemu.

Nkooku kyabaire omu biro bya Noha, n'okwija kw'Omwana w'omuntu nukwo kuliba kuti. Omu biro ebyayebembiire okusandaara kw'amaizi, abantu baalyaaga, baanywaga, basweranganaga, okuhika ha kiro Noha eki yataahiireho omu lyato erikooto, kandi batakimanye okuhika okusandaara kw'amaizi obu kwaizire kwabahwerekereza boona; n'okwija kw'Omwana w'omuntu nukwo kuliba kuti.