Popular Bible Verses from Luk 14

Share

“Weena anyakwija nambere ndi, ateerekeseze ise na nyina, mukazi we n'abaana, bagenzi be n'abanyaanya, nangwa n'obwomeezi bwe, ogu tasobora kuba mwegesebwa wange.

Weena ateetweka musaraba gwe akampondera, tasobora kuba mwegesebwa wange.

Habwokuba weena anyakwenyumiza, alibundaaziba; kandi anyakwebundaaza, alinyumizibwa.”

Na inywe nukwo kiba kiti, tiharoho n'omu anyakusobora kuba mwegesebwa wange, ateerekeseze byona ebi ainabyo.”

“Nooha omuli inywe anyakugonza kwombeka omunaara, atabanza kwikarra akabalirra ebiragwombeka; akamanya ngu, aina sente ezirukumara omulimo? Kakuba atabalirra, obu aliba amazire kulima omusingi, kandi akasangwa atarukusobora kumara omulimo gwona, nubwo boona abaligurora balitandika kumusekeereza, nibagamba bati: ‘Omuntu onu akatandika kwombeka, baitu tiyasobora kumaliriza!’

Baitu obu oraateekaga obugenyi, oraalizeege abanaku, ebizingo, abalema n'abafu b'amaiso. Nubwo oliheebwa omugisa, habwokuba bbo, tibaina eki basobora kukugarurra, kandi iwe olisasurwa ha kuhumbuuka kw'abahikiriire.”

“Ekisura kirungi, baitu obu kihoibwamu orusa ruligarurwamu ruta? Tikiina mugaso ha itaka noobu haakuba ha rubungo. Kisigarra kunagwa abantu. Anyakwina amatu, ahurre!”