Popular Bible Verses from Mat. 6

Share

Nai kiwara mono Apukan ŋina anakuj ka akiyookino ŋina ka Akuj, toruworos nai ŋiboro ŋul daadaŋ ŋulu kus.

Nyiyaloloŋete aŋuna a moi taparacu, anerae moi taparacu daŋ eyakar ŋuna keŋ. Kimyekisi ŋinakoloŋit kitemokin ŋican keŋ.

“Aŋun, akalimokini ayoŋ iyes atemar, nyiyaloloŋete aŋuna ka akiyar kus; aŋuna a ibore a ŋini nyamat kori a ŋini matat. Nyiyaloloŋete tari aŋuna a ŋilowi a ŋulu napan. Meere mono akiyar iloit akimuj ka akuwan iloit ŋilowi a?

Nai ani ilipi iyoŋ, itemokino toloma nagule kon, togolok ekek, tosodi kilip neni a Papa kon a ŋolo nyetakani. Ido Papa kon ŋolo ite ŋuna itiyae iyoŋ anakimunono, iŋes ikiropi iyoŋ.

“Itemokino kilipeneneete ikona: ‘Papa kosi ŋolo iyai nakuj; Ekonikiro tokeritetei, Akonipukan bu. Kitiyae acamit kon alokwap, ikwaŋina itiyaere anakuj.

Inakinae isua nakoloŋit na akosikimuj ŋina a jwi jwi

Kisyoni isua ŋasecisya kosi, ikwaŋina ikisyoniyo isua daŋ ŋulu eseceneneete aneni kosi.

Nyikiya isua nakitemyet, nai toiunae isua aneni aronon. [Anerae apukan ka apedor ka apolou erae ŋuna kon, ŋikaru ka ŋikaru. Amen.]’

“Anerae ani kisyonioto iyes ŋulu eseceneneete neni kus, Papa kus daŋ ŋolo anakuj, ikisyoni iyes.

Kiŋolikisi ŋikyeny: nyitaete, nyelemete ka nyetukete natukito, nai Papa kus ŋolo eyai nakuj iŋes itani ikes. Nyiloito nai iyes ŋikyeny a?

“Nyituk aŋuna kus ebari nakwap na, neni epedorya esipiran ka eroiroi akinyasun ka neni epedoryata ŋikokolak akituwokin, tolemasi. Nai totuko aŋuna kus ebari nakuj, neni nyepedorya esipiran ka eroiroi akinyasun ka neni nyepedoryata ŋikokolak akituwokin, tolemasi. Anerae neni eyai ebari kon, iŋes eyai etau kon daŋ.

“Emam ituŋanan ŋini epedori akitiya ŋiticisyo ŋulu a ŋikapolok a ŋiarei, eŋeri epei tosodi tominak ŋoloce, kori imiidikin neni ke epei tosodi tojamuwa ŋoloce. Nyipedorete iyes akitiyanakin Akuj ka ebari.

Akuj iŋes itanapi ŋinya ŋulu ka ariet --ŋinya ŋulu elibito tokona, nai ani moi kicunyae. Etya ekitanape ŋolo ikitanapya iŋes iyes ai? Okoe iyes ŋituŋa ŋulu edit anupit!

Ani ilemikini iyoŋ ituŋanan ŋini a ŋican akiŋarakinet kon, nyiteyenu tari idiotuŋanan; ikotere akonikiŋarakinet eruwor ŋina imunono, ido Papa kon ŋolo ite ŋuna nyetakanete iŋes ikiropi iyoŋ.

“Tocoito nyitiyaete ŋiticisyo ŋulu ke edin alokiŋaren ŋituŋa, icamito atemar ikianyuwasi ikes iyes, anerae ani kitiyata iyes ikoŋina, nyiryamunete edioropit aneni a Papa kus a ŋolo eyai nakuj.

“Ani ikanyi iyoŋ, nyitasyono ikwa itasyonotor ŋikaŋisoswae. Elosete ikes esecec ŋireetin, ikotere eanyuniata ŋituŋa atemar ikanyete ikes. Akalimokini ayoŋ iyes kire atemar, adaut ikes aryamun eropit kec. Nai ani ikanyi iyoŋ, kilota ereet kon kikyera tari ŋitim; ikotere nyeanyuniata ŋituŋa atemar ikanyi iyoŋ, mati Papa kon ŋolo nyetakani; ido Papa kon ŋolo ite ŋuna anakimunono iŋes ikiropi iyoŋ.