Popular Bible Verses from Mat. 16

Share

Tolimok nai Yesu ŋikeekasyomak tema, “Ŋinituŋanan ecamit akiwuapakin ayoŋ, itemokino toŋero bon, toryoŋ emusalaba keŋ, ekewuapak ayoŋ.

Akalimokini ayoŋ iyoŋ atemar, irae iyoŋ Petero, (apolou keŋ atemar ataaba.) Nataaba ŋin iŋes adukokini ayoŋ akai kaŋ ka nyepedori atwanare akiloun iŋes.

Akainakini ayoŋ iyoŋ ŋikipuŋguwoi ŋulu ka Apukan a ŋina anakuj; ŋuna nyicamakini iyoŋ anakwap nyecamakinio tari anakuj; ka ŋuna icamakini iyoŋ anakwap ecamakinio anakuj.”

Anerae ituŋanan daadaŋ ŋini iwarit akiricun akiyar keŋ, itotwaniyari, nai ŋini ejali akiyar keŋ aŋuna kaŋ eyari.

Alipoida eryamuni ituŋanan erae keŋata iŋes akwap daadaŋ, nai totwania akiyar keŋ? Mam jik! Kori nyo epedorya ituŋanan akisyecia akiyar keŋ?

Kiŋit Yesu ikes tema, “Ani bo iyes ibasi ŋae ayoŋ?” Toboŋok Simoni Petero tema, “Irae iyoŋ Kristo, Lokoku ka Akuj a ŋina eyari.”

Tolimok Yesu Petero tema, “Irereŋ iyoŋ Simoni lokoku a Yona, anerae meere ituŋanan ikisileerek iyoŋ ŋakiro ŋun, nai erae Papa kaŋ ŋolo eyai nakuj.