Popular Bible Verses from MATIOSI 7

Share

“Ni ḓi dzula ni tshi humbela, ni ḓo ṋewa; ṱoḓani, ni ḓo wana; khokhonyani, ni ḓo vulelwa vothi.

Ane a dzula a tshi humbela, Mudzimu u ḓo vhuya a mu fha; ane a ṱoḓa u ḓo wana; ane a khokhonya u ḓo vhuya a vulelwa vothi.

“Zwenezwo onoyo ane a pfa maipfi anga haya a ya a zwi ita, u fana na muthu wa vhuṱali ane a fhaṱa nnḓu yawe kha lutombo.

“Zwoṱhe zwine na funa vhaṅwe vha tshi ni ita, na inwi ni vha ite zwenezwo. Ndi hone no khunyeledza Mulayo na Maṅwalo a vhaporofita.

Nḓila i yaho vhutshiloni ndi tsekene-tsekene, na khoro yayo ndi ṱhukhu, vhane vha i wana a si vhanzhi.

“Dzhenani nga khoro tsekene; nḓila i yaho hune wa lovha yo aṱama, na khoro ya hone ndi khulwane, ndi vhanzhi vhane vha dzhena ngayo.

Arali inwi na vhuvhi háṋu ni tshi kona u ṋea vhana vhaṋu zwivhuya, Khotsi aṋu wa ṱaḓulu a nga kundwa ngani u ṋea zwivhuya vha mu humbelaho?

“Ni songo haṱula vhaṅwe, ndi hone Mudzimu a sa nga ni haṱuli. Khaṱhulo ine na haṱula vhaṅwe ngayo na inwi Mudzimu u ḓo ni haṱula ngayo; muelo une na elela vhaṅwe ngawo, na inwi Mudzimu u ḓo ni elela ngawo.

Hone ane a pfa maipfi anga haya a si zwi ite, u fana na muthu wa tsilu we a fhaṱa nnḓu yawe muṱavhani

Khezwi u tshi kona u vhona lufhanza lu re iṱoni ḽa muṅwe, ngeno danda ḽi re iṱoni ḽau u sa ḽi londi? Nṋa u nga amba hani na muṅwe wa ri, ‘Litshani ndi bvise lufhanza lu re iṱoni ḽaṋu,’ ngeno iwe u na danda iṱoni ḽau?

“Thanyelani vhaporofita vha khole-khole vhane vha ḓa kha inwi vho fuka mikumba ya nngu, ngeno nga ngomu havho vhe maṱalerwa a ni pondaho. Ni ḓo vha ḓivha nga mitshelo yavho. A ri fuli nḓirivhe kha muunga; mahuyu ri a wana kha mutshetshete na?

Muri wavhuḓi u aṋwa mitshelotshelo, u vhavhaho wa aṋwa mitshelo i kalakataho.

Muri wavhuḓi a u aṋwi mitshelo i kalakataho, zwi ḓi nga muri u vhavhaho u sa aṋwi mitshelo i ḓifhaho.

Muri muṅwe na muṅwe u sa aṋwi mitshelo i ḓifhaho u a remiwa wa kudzwa muliloni.