Popular Bible Verses from MATIOSI 6

Share

Tsha u thoma lusani u vhuswa nga Mudzimu na u ita zwine a funa, hezwo zwiṅwe zwoṱhe ni ḓo tou ingwa.

Izwo ni songo tsha ḽa mbilu nga zwa matshelo; ḽa matshelo ḽi ḓo ḓiḽela mbilu ḽone ḽiṋe; khombo yo livhana na musi wayo.

“Ndi zwone zwine nda ri ni songo ṱolou ḽa mbilu nga zwine na lila vhutshiloni haṋu na ri ni ḓo ḽani, ni ḓo nwani, ni ḓo ambarani? Kani vhutshilo a vhu fhiri zwiḽiwa? Muvhili a u fhiri zwiambaro kani?

Iwe-ha u tshi rabela, dzhena nḓuni yau u vale muṋango u rabele Khotsi au a re ho dzumbamaho. Huno Khotsi au a vhonaho zwo dzumbamaho u ḓo u pfufha.

“Inwi-ha ni tshi rabela ni ri: “ ‘Khotsi ashu wa ṱaḓulu, dzina ḽau kha ḽi vhe ḽikhethwa, hu vhuse Iwe, hu itwe zwine wa funa fhano fhasi unga ngeo ṱaḓulu.

U ri fhe ṋamusi vhuswa hashu ho ri eḓanaho.

U ri hangwele milandu yashu, unga na riṋe ri tshi hangwela vha ri khakhelaho.

U si tende ri tshi ungwa nga Muvhi; a tshi ri unga u ri lamulele.’ [Ngauri muvhuso ndi wau, na maanḓa, na vhugala, nga hu sa fheli.]

“Ndi uri arali ni tshi hangwela vhathu zwe vha ni khakhela, na inwi Khotsi aṋu wa ṱaḓulu u ḓo ni hangwela.

Edzonu vhona zwiṋoni: a zwi zwali mbeu, a zwi na tshine zwa kaṋa, a zwi kuvhanganyeli maḓuluni, hone Khotsi aṋu wa ṱaḓulu u ḓi zwi ṋea zwiḽiwa. Inwi a ni zwi fhiri kule naa?

“Ni songo ḓikuvhanganyela lupfumo fhano fhasi, hune lwa lovha nga tsole na vhulali, mbava dza pwasha dza tswa, ḓikuvhanganyeleni lupfumo ngei ṱaḓulu hune lu si lovhe nga tsole na vhulali, mbava dzi si pwashe dza tswa. Ndi uri hune lupfumo lwau lwa vha hone, ndi hune mbilu yau ya vha hone.

“A hu na ane a nga shumela vhaṋe vhavhili. A nga ḓo vhenga muṅwe a funa muṅwe; a pfa muṅwe, muṅwe a mu nyadza. A zwi tendi muthu a tshi shumela Mudzimu e phuli ya lupfumo lwa ḽino shango.

Arali hatsi vhune ṋamusi ha titima mudavhini matshelo ha vha ho no kudzwa tshivhasoni Mudzimu a tshi vhu ṱama nga u rali, inwi a nga kundwa ngani u ni ṱama? Fulufhelo ḽaṋu ḽo ṱukufhala hani.

Iwe-ha u tshi tonda vhashai, na tshanḓa tshau tshamonde tshi songo ḓivha zwi itwaho nga tshauḽa. U tonde vhashai zwi sa vhonwi nga muthu. Ndi hone Khotsi au a vhonaho zwo dzumbamaho a tshi ḓo u pfufha.

“Ni vhone uri musi ni tshi bvisa zwifhiwa zwa vhashai ni si bvisele u vhonwa nga vhathu; arali ni tshi ita hezwo a ni tsha ḓo pfufhiwa nga Khotsi aṋu wa ṱaḓulu.

“Musi ni tshi ḓidzima zwiḽiwa ni songo futa sa vhahoi. Vhone vha a sinyalala uri vhathu vha zwi vhone uri vha khou ḓidzima. Thetshelesani ndi ni vhudze: malamba avho vho no ḓi a wana. Iwe-ha u tshi ḓidzima, ṱamba u ḓole uri vhathu vha si kone u vhona uri u khou ḓidzima, zwi vhonwe nga Khotsi au a re ho dzumbamaho. Tenda Khotsi au a vhonaho zwo dzumbamaho a tshi ḓo u pfufha.