Popular Bible Verses from LUKASI 7

Share

Ndi zwine nda ri, lufuno lungafho lwe a ita lu sumbedza uri o hangwelwa vhutshinyi hawe vhunzhi-vhunzhi. Hone o hangwelwaho vhutshinyi vhuṱuku, na lufuno u sumbedza luṱuku.” Ndi hone Yesu a tshi vhudza uyo musadzi a ri, “No hangwelwa vhutshinyi haṋu.”

Yesu Ene a vhudza uyo musadzi a ri, “Lutendo lwaṋu lwo ni tshidza; ṱuwani zwaṋu no rudza mbilu.”

a ḓa a ima murahu ha Yesu milenzheni yawe, a thoma u lila a tshi rothisela miṱodzi yawe khayo, a i phumula nga mavhudzi awe, a ita na u i khisa a konou i ḓodza tshiḽa tshiḓolo tsha u nukhelela.

Ndi zwe na u ḓa khae nda vhona zwi songo vhuya zwa mpfanela. Kha a sokou amba ipfi ḽithihi fhedzi; phuli yanga i ḓo fhola. Ndi amba ngauri nṋe ndi fhano ndi muthu a langwaho, hone ndi ḓi vha-vho na maswole ane nda a langa. Nda vhudza uno nda ri, ‘Ṱuwa!’ u a ṱuwa; nda vhudza uḽa nda ri, ‘Iḓa!’ u a ḓa; phuli yanga nda i vhudza nda ri, ‘Ita hetshi!’ i a ita.” Yesu a tshi pfa zwenezwo a kanuka, a rembuluwa a lavhelesa gogo ḽi khou mu tevhelaho a ri, “Ndi a ni vhudza ndi ri, na kha lushaka lwa Israele a thi athu ṱangana na muthu a re na lutendo lungafha.”

Zwenezwo Yesu o vha a tshi khou fhodza vhathu vhanzhi vha sa ḓipfi zwavhuḓi na vha tambudzwaho nga malwadze, a tshi pandela na thuṅwa dza Saṱhane kha vhanzhi, na u swingulusa mabofu manzhi. Ndi hone a tshi fhindula avho vhaḓinḓa a ri, “Iyani ni vhudze Johanisi zwe na tou vhona nga aṋu maṱo na zwe na tou pfa nga dzaṋu nḓevhe: mabofu a vho vhona; zwihole zwi vho tshimbila; vha lwalaho malwadze a lukanda a kumadzaho vha khou fhodzwa; madzinganḓevhe a vho pfa; vhafu vha khou vuswa; vha si na tshavho vha khou funzwa mafhungo maḓifha.