Popular Bible Verses from LUKASI 6

Share

Ṋeani vhaṅwe, ndi hone Mudzimu a tshi ḓo ni ṋea-vho; u ḓo ni ṋea muelo wo ḓalaho, o u sungusedza a u gadela wa ita muṱumba a konou ni ṋea. Muelo une na elela vhaṅwe ngawo na inwi Mudzimu u ḓo ni elela ngawo.”

Muthu muvhuya u bvisa zwithu zwivhuya zwi re tshisikuni tsha mbilu yawe, na muthu muvhi u ḓi bvisa-vho zwithu zwivhi zwi re tshisikuni tsha mbilu yawe. Tshe mulomo wa amba ndi tshe mbilu ya amba.

Inwi funani maswina aṋu. Musi ni tshi tonda vhathu kana ni tshi vha hadzima tshithu ni songo ima kha ḽa uri u fha ndi u fhahea; tenda Mudzimu a tshi ḓo ni ṋea pfufho khulu; ni ḓo tou vha vhana vha Waṱaḓuluṱaḓulu; hufha Ene a tshi ḓi tonda na vha sa livhuhi na vhavhi.

Na inwi khathutshelanani unga Khotsi aṋu a tshi ni khathutshela.

“Ni songo haṱula vhaṅwe, ndi hone Mudzimu a sa nga ni haṱuli; ni songo laṱa vhaṅwe, ndi hone Mudzimu a sa nga ni laṱi; hangwelani vhaṅwe, ndi hone Mudzimu a tshi ḓo ni hangwela.

“Ndi vhudza inwi vhathetshelesi ndi ri: “Funani maswina aṋu, tondani vha ni vhengaho, shudufhadzani vha ni teketelaho, ni rabelele vha ni tambudzaho.

Zwine na funa vhaṅwe vha tshi ni ita, na inwi ni vha ite-vho zwenezwo.

“Arali muthu a ni rwa nga mpama, mu ṋekedzeni na luṅwe luṱaha; arali muthu a ni dzhiela badzhi yaṋu, mu litsheni a dzhie na hemmbe. Arali muthu a ni humbela tshithu ni mu ṋee, muthu a dzhia tshithu tshaṋu ni songo tsha tshi vhila.

“Muri wavhuḓi a u aṋwi mitshelo i vhavhaho; zwi ḓi nga muri u vhavhaho u sa aṋwi mitshelo i ḓifhaho.

Muri muṅwe na muṅwe ri u ḓivha nga mitshelo yawo; kani-ha mahuyu ni a fula kha muunga? Nḓirivhe dzi a fulwa kha luanakha kani?