Popular Bible Verses from Markos 8

Share

Tuwe wiconi tawa teḣinda kinhan he toki eḣpekiye kta; tuka tuwe miye on qa wotanin waśte kin on wiconi toki eḣpekiye cinhan, he qe wiconi hduhe kta.

Qa wicaśta wan maka kin de ocowasin ohiya eśta, qa iye nagi kin toki eḣpekiye cinhan, taku on iwaśte kta he.

Unkan oyate kin waonspewicakiye cin om wicakico qehan, hewicakiya; Tuwe kaśta omape kta hecinhan, waipiic̣ida kta, qa cansusbeca kic̣in kta, qa mihakam u kta.

Qa taku e wicaśta nagi kin tokiyopekiye kta he. Heon etanhan tuwe, wicoicage wiinaḣman qa waḣtani sa kin de en, miye qa mioie kin on iśtece cinhan, tohan Wicaśta Cinhintku kin iye Atkuku towitan hduha, ohnihde wakan kin om u kinhan, wicaśta kin he on iśtece kta ce.

Unkan hewicakiya; Qa niye matuwe kehapi he. Unkan Inyan waayupte c̣a heciya; Messiya he niye.