Popular Bible Verses from Markos 6

Share

Hehan hewicakiya; Niye ito icunonpa ḣewotahedan ekta u po, qa cistiyedan oziic̣iya po. Wicota upi qa hdapi ece, qa hecen wotapi kta hee kaeś okihipi śni.

Tuka Jesus hewicakiya; Wicaśta wokcan iye tamakoce en, qa iye takuwicaye cin ehna, qa iye ti kin ohna, ecedan yuonihanpi śni ece.

Unkan Jesus ekta ihunni, hehan wicota wanwicayaka, qa onśiwicakida, taḣinca wanunyanpi tuwedan wicayuhe śni kin iyececapi heon, qa hecen taku ota onspewicakiya.

Unkan heciya wicoḣan tanka takudan econ okihi śni; tuka wayazankapi tonana nape on awicaputake c̣a asniwicaya. Unkan wicadapi śni kin heon yuśinyaya. Qa otonwe ihdukśan wanke cin ektakta waonspewicakiya iyaya.

Unkan aguyapi zaptan qa hogan nonpa hena icu, hehan maḣpiya ekta etonwe c̣a yawaśte, qa aguyapi yuśpaśpa, qa waonspewicakiye cin wicaqu, oyate kin wicaqupi kta heon; nakun hogan nonpa kin hena owasin wicakipamni. Unkan iyuḣpa wotapi qa imnanpi. Qa oyaptapi kin etanhan makanopiye akenonpa ojudan pahipi, nakun hogan kin etanhan.