Popular Bible Verses from Markos 12

Share

Unkan Jesus ayupta; Israel naḣon po, Jehowa Wakantanka unkitawapi kin he Itancan wanjidan, woahope owasin tokapa kin hee ce. Unkan Jehowa Wakantanka nitawa kin he nicante ocowasin on, qa ninagi ocowasin on, qa nitawacin ocowasin on, qa nitowaśake ocowasin on, waśteyakidake kta ce; woahope tokaheya kin hee. Qa inonpa kin he he iyececa; Nikiyedan un kin he niye inihdacin waśteyadake kta. Woahope dena isanpa tanka wanica.

Unkan waonspewicakiye cin hena wicakico qa hewicakiya Dena owasin mazaska opiye kin en eḣpeyapi, tuka wiwazica waḣpanica kin de owasin isanpa en eḣpeya, awicakehan eciciyapi. Dena owasin taku ota tonpi kin eciyatanhan en eḣpeyapi ece; tuka iye qe nice cin etanhan taku yuhe cin ocowasin en ehpeya, on ni kte cin ocowasin.

Unkan Jesus mazaska opiye kin iyotakons iyotanka, qa token oyate kin mazaska opiye kin en, mazaska eḣpeyapi kin he wanyaka. Unkan wicota wijicapi kin hena odota en eḣpeyapi. Unkan wiwazica waḣpanica wan en hi, qa mazaśa onśpadan nom en eḣpeya, he mazaśa wanjidan yawapi.

Qa wicacante ocowasin on, qa wicotawacin ocowasin on, qa wicanagi ocowasin on, qa wicowaśake ocowasin on waśtedakapi, qa wicikiyedan unpi kin wiciye ihdacin waśtewicadapi kin, peta on wośnapi qa ikce wośnapi owasin, he isanpa tanka ece.

Hehan Jesus waayupte c̣a; Kesar taku tawa kin kicu po; qa Wakantanka taku tawa kin kicu po, ewicakiya. Unkan heon inihanpi.